Jeremias 15:10 - Marahay na Bareta Biblia

¹⁰ Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 15:10 ပူးပေါင်းရင်းမြစ်များ

1 Mga Hade 21:20

Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

Salmo 109:28

Maldisyonon man ninda ako, alagad ako bebendisyonan mo. Mapasopog logod an mga nang-aapi sako; asin mag-ogma logod an sorogoon mo.

Salmo 15:5

Dai siya nagpapautang na may patubo, asin dai nagpapasuhol tumang sa mayo nin sala. An naggigibo kan mga bagay na ini dai nanggad matatanyog.

Salmo 69:4

An mga naaanggot sako na mayong dahelan, mas dakul pa ki sa sakuyang buhok. Makokosog sinda na boot sakong gumadan; sinasalakay ako kan saindang kaputikan. Dai ko ikakabalik an dai ko man hinabon.

Exodo 22:25

“Kun kamo magpautang nin kwarta sa mga dukha sa sakong banwaan, dai nindo pag-arogon an ibang parapautang; dai nindo sinda pagpatuboan.

Mga Talinhaga 26:2

An mga maldisyon na bakong maninigo dai nagkakatotoo. Arog iyan sa gamgam na naglalayog asin dai nanggad minatugdon.

Jeremias 15:20

Para sa mga tawong ini, gigibohon takang pusog na kudal na bronse. Makikiiwal sinda saimo, alagad dai ka ninda madadaog, huli ta iibahan taka tanganing ingatan asin iligtas.

Levitico 25:36

Dai kamo maghagad nin tubo kun siya mag-utang, kundi matakot kamo sa Dios tanganing an kapwa nindo Israelita padagos na mamuhay harani saindo.

Levitico 25:37

Dai nindo pagpatuboan an kwartang ipinautang nindo saiya, ni an pagkakan na ipinabakal nindo saiya.

Habakkuk 1:3

Tano ta itinutugot mong mahiling ko an mga kasakitan na ini? Paano mo natatagalan an pagmasid sa mga salang gibong ini? Nasa palibot ko an karatan saka kadahasan; an pagralaban saka pag-iriwal yaon sa gabos na lugar.

Mateo 24:9

“Dangan dadakopon kamo, papadusahan asin ipapagadan. An gabos na tawo maoongis saindo huli sako.

Mateo 5:44

Alagad ngunyan sinasabihan ko kamo: kamotan nindo an saindong kaiwal, asin ipamibi nindo an mga nagpapasakit saindo,

Lukas 2:34

Benendisyonan sinda ni Simeon, asin sinabihan si Maria na saiyang ina, “Uya, an aking ini itinalaga para sa pagkapadungkal asin pagbangon nin dakul sa Israel; saro siyang tanda hale sa Dios na isisikwal nin dakul na tawo,

Lukas 6:22

“Paladan kamo kun ikinakaongis kamo, isinisikwal, o minumuda nin mga tawo, asin pinapakaraot an ngaran nindo huli sa Aki nin Tawo!

Mga Gibo 28:22

Kaya boot ming madangog an saimong mga sasabihon, huli ta aram ming maski saen na lugar, nagtataram an mga tawo tumang sa sektang iyan na kinabibilangan mo.”