Jeremias 14:9 - Marahay na Bareta Biblia

⁹ Tadaw ta arog ka sa sarong tawong namongnan, arog sa sarong soldados na dai kayang tumabang? Alagad ika, O Kagurangnan, uya sa samong kaibahan! Kami an banwaan mo; dai mo kami pagbayaan.’”

Jeremias 14:9 ပူးပေါင်းရင်းမြစ်များ

2 Mga Cronica 7:14

dangan magpakumbaba an sakong banwaan, mag-atubang sako, mamibi asin talikodan an saindang mga maraot na gibo, hale sa langit, dadangogon ko sinda, papatawadon an saindang kasalan asin papauswagon an saindang daga.

Salmo 10:1

Tadaw ta harayo kang marahay, Kagurangnan? Tadaw ta nagtatago ka kun kami nasa kahorasaan?

Salmo 27:9

Dai ka magtago sako!” Dai ka maanggot sako; hare pagsubolan an saimong sorogoon. Ika an sakong nagin tabang; hare ako pagpabayae o pagsikwalan. O Dios nin sakong kaligtasan!

Salmo 46:5

An Dios yaon duman sa syudad, dai iyan matatanyog; amay siyang maabot sa pagtabang kan syudad.

Isaias 12:6

Magkurahaw asin mag-awit kamo sa kaogmahan mga nag-eerok sa Sion, huli ta dakula an banal na Dios nin Israel, asin nag-eerok siya sa kaibahan kan saiyang banwaan.”

Isaias 43:7

Sinda an sadiri kong banwaan asin ako an naglalang sainda tanganing magdara sako nin kamurawayan.”

Isaias 51:9

Pagmata, Kagurangnan, asin kami saimong tabangan! Gamita an saimong kapangyarihan asin kami ligtasan; gamita iyan siring kan ginibo mo kaidtong panahon. Ika an nagperedaso kan impakto sa dagat na si Rahab.

Isaias 59:1

Dai kamo mag-isip na maluya an Kagurangnan kun kaya dai niya kamo pwedeng iligtas, o na maluya an saiyang pandangog kun kaya dai niya kamo madadangog kun kamo mag-agrangay!

Isaias 63:19

Ibinilang mo kami siring sa mga tawong dai mo pinaghadean, siring sa bako mong banwaan.

Jeremias 15:16

Nagtaram ka sako, asin dinangog ko an lambang tataramon mo. Sadiri mo ako, Kagurangnan Dios nin mga hukbo, kaya an saimong tataramon kaogmahan asin kagayagayahan kan sakong puso.

Jeremias 51:5

Huli ta an saindang daga pano nin kasalan tumang sako, an Banal nin Israel, alagad ako, an Kagurangnan nin mga hukbo, dai nagpabaya sa Israel saka sa Juda.

Jeremias 8:19

Dangoga! Sa bilog na daga nadadangog an kinurahaw kan sakong banwaan, “Mayo na daw sa Sion an Kagurangnan? Mayo na daw duman an hade nin Sion?” An Kagurangnan, an saindang hade nagsimbag, “Tadaw ta pinapaanggot nindo ako sa paagi kan pagsamba sa mga ladawan asin sa pagluhod sa mga dios-dios na dai nindo midbid saka mayo nin halaga?”

Mga Panambitan 5:20

Tadaw ta pinabayaan mo kami sa haloy na panahon? Magigiromdoman mo pa daw kami giraray?

Ezekiel 48:35

An kahalabaan kan kudal sa apat na lado kan syudad kaipuhan nuebe mil metros. Poon ngunyan an ngaran kan syudad magigin “An Kagurangnan Uya Digdi!”

Habakkuk 1:2

O Kagurangnan, sagkod nuarin ako maghahagad nin tabang bago mo dangogon, bago mo kami ililigtas sa kadahasan?

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

Mga Bilang 11:23

Tinaraman nin Kagurangnan si Moises, “Igwa daw nin kasagkoran an sakong kapangyarihan? Mahihiling mo ngunyan kun mangyayari an sakong itinaram o dai!”

Mga Gibo 15:17

tanganing an ibang mga tawo maghanap sa Kagurangnan, siring man an gabos na pagano na inapod kong magin sadiri ko.

2 Corinto 6:16

Paanong magkaoyon an templo nin Dios asin an mga dios-dios? Huli ta kita iyo an templo kan Dios na buhay! Siring sa sinabi nin Dios, “Mag-eerok ako sainda asin maglalakaw sa kaibahan ninda; ako an magigin Dios ninda, sinda an magigin banwaan ko.”

Deuteronomio 23:14

Linigan nindo an saindong kampo huli ta kaiba nindo diyan an Kagurangnan na saindong Dios sa pagligtas saindo asin sa pagtao saindo nin kapangganahan laban sa saindong mga kaiwal. Dai kamo maggibo nin ano man na kadustaan tanganing dai kamo bayaan nin Kagurangnan.

Deuteronomio 28:10

Dangan mahihiling kan gabos na tawo sa kinaban na pinili kamo nin Kagurangnan na magin saiyang sadiring banwaan, asin matatakot sinda saindo.

Hebreyo 13:5

Maglikay kamo sa pagkamoot sa kwarta; makontento kamo kan nasa saindo, huli ta an Dios nagtaram, “Dai taka nanggad tatalikodan; dai taka nanggad pababayaan.”

Kapahayagan 21:3

Nadangog ko an sarong makosog na tingog hale sa trono na nagsabi, “Ngunyan an erokan nin Dios nasa mga tawo na! An Dios mismo mag-eerok kaiba ninda asin sinda magigin banwaan niya. An mismong Dios an magigin kaiba ninda asin siya an magigin Dios ninda.

1 Samuel 12:22

Nagsumpa an Kagurangnan na dai niya kamo papabayaan, huli ta pinagmarahay niya na kamo an saiyang magin banwaan.