Jeremias 14:7 - Marahay na Bareta Biblia

⁷ Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Jeremias 14:7 ပူးပေါင်းရင်းမြစ်များ

Esdras 9:15

Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”

Salmo 115:1

Sa saimo sana, Kagurangnan, sa saimo sana, asin bakong sa samo, dapat itao an kamurawayan huli kan danay mong pagkamoot asin pagkamaimbod.

Salmo 25:11

Huli kan saimong ngaran, O Kagurangnan, patawada ako ta makuring gayo an sakong kasalan.

Salmo 79:9

Tabangi kami, O Dios nin samuyang kaligtasan, huli sa kamurawayan nin saimong ngaran. Ligtasan kami asin patawada an samong mga kasalan, huli kan saimong ngaran.

Isaias 48:11

Huli sa sako man sana, ginigibo ko iyan— dai ko itutugot na pagbasang-basangon an sakong ngaran o na may makihiras kan sakong kamurawayan, na para sa sako nanggad sana asin bakong sa kiisay pa man.”

Isaias 59:12

“Kagurangnan, kadakul na karatan an nagibo mi laban saimo; nagsasaksi an samong kasalan laban samo. Aram mi iyan gabos.

Jeremias 10:19

Nag-agrangay an mga taga Jerusalem, “Makulog nin marahay an samong padusa! Dai na mabobolong an samong mga lugad. Paghona mi matitios nyamo ini!

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Jeremias 5:25

An saindong mga kasalan iyo an nag-olang tanganing dai nindo makamtan an mga marahay na bagay na ini.

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Jeremias 8:5

Banwaan ko, tadaw ta minatalikod kamo sako dangan dai na minabalik? Namugol kamo sa saindong mga dios-dios asin habo kamong magbalik sako.

Ezekiel 20:14

Alagad dai ko iyan ginibo huli ta mapapasopog an sakong ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:22

Alagad dai ko iyan ginibo huli ta mapapasopog an sakuyang ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:9

Alagad dai ko iyan ginibo, huli ta mapapasopog an sakong ngaran, huli ta sa atubang kan mga nasyon, saen nag-erok sinda, nagpahayag ako sa mga Israelita na iluluwas ko sinda sa Egipto.

Oseas 5:5

An kapaabaw-abawan kan mga taga Israel iyo man sana an nagsasaksi laban sainda. An saindang mga kasalan iyo an nakakapasingkog saka nakakapatumba sainda, asin matutumba kaiba ninda an mga taga Juda.

Oseas 7:10

An kapaabaw-abawan kan banwaan nin Israel nagsasaksi laban sa sainda. Dai pa sinda nagbalik sako, an Kagurangnan na saindang Dios, pakatapos na mangyari an gabos.

Amos 7:2

Sa sakong bisyon nahiling kong kinakakan kan mga doron an gabos na tinanom sa bilog na daga, dangan nagsabi ako, “Kagurangnan Dios, patawada an saimong banwaan! Paano sinda mabubuhay? Saradit sinda nin marahay saka maluluya!”

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’

Josue 7:9

Mababaretaan ini kan mga Cananeo asin kan iba pang nag-eerok sa daga. Papalibotan ninda kami asin gagadanon an lambang saro samo. Ano an gigibohon mo para sa saimong dakulang ngaran?”