Jeremias 14:4 - Marahay na Bareta Biblia

⁴ Huli ta dai nag-uuran asin alang na an daga, nagkasoropog an mga paraoma kaya tinahoban ninda an saindang mga lalawogon.

Jeremias 14:4 ပူးပေါင်းရင်းမြစ်များ

Jeremias 2:37

An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Joel 1:11

Kamong mga paraoma, pagmondo; paghibi, kamong paraataman nin mga ubasan, huli ta an trigo, an sebada, asin an gabos na tinanom nawara na nanggad.

Joel 1:17

An mga banhi nagkakagaradan sa alang na daga. Mayo na nin trigong sasarayon, kaya nagkararaot an mga harong-harong na mayo nin laog.

Levitico 26:18

“Kun pakatapos kaiyan, dai man giraray kamo magkuyog sako, dadagdagan ko an padusa saindo nin pitong beses huli kan saindong mga kasalan.

Amos 4:8

Nanluluya sa paha an mga tawo hale sa duwa o tolong syudad sa paghanap nin tubig sa saro pang syudad, alagad mayo duman nin sukat na tubig na maiinom; alagad dai man giraray kamo nagbalik sa sako.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.