Jeremias 14:3 - Marahay na Bareta Biblia

³ Sinugo kan mayayaman an saindang mga sorogoon tanganing magharok; nagduman sinda sa mga bubon, alagad mayo sinda nin nakuang tubig; nagbalik sinda na mayo nin laog an mga tapayan. Huli sa kasosopgan saka pagkaribong, tinahoban ninda an saindang mga lalawogon.

Jeremias 14:3 ပူးပေါင်းရင်းမြစ်များ

2 Samuel 15:30

Alagad naghihibi na nagtukad si David sa Bukid nin mga Oliba; nakabitis sana siya asin may tahob an payo bilang tanda nin pagmondo. An gabos na nagsunod saiya nagtahob man kan saindang payo asin naghibi.

2 Samuel 19:4

Tinahoban kan hade an saiyang lalawogon asin nagkurahaw nin makosog, “O aki ko! Absalom aki ko! Absalom aki ko!”

1 Mga Hade 17:7

Dai nahaloy, nagmara an sapa huli ta dai nag-uran sa daga.

2 Mga Hade 18:31

Dai kamo magdangog ki Ezekias. Nagboboot saindo an emperador nin Asiria na magluwas kamo sa syudad asin sumuko saiya. Dangan tutugotan niya kamong magkakan nin mga ubas hale sa sadiri nindong mga ubasan, asin nin mga higera hale sa sadiri nindong mga kahoy, patin mag-inom nin tubig hale sa sadiri nindong bubon

Esther 6:12

Pakatapos, nagbalik si Mardokeo sa trangkahan kan palasyo. Alagad hidaling nagpuli si Haman na igwa nin tahob an payo huli sa kasosopgan.

An Libro ni Job 6:20

alagad sa kataed nin mamarang mga sapa an saindang paglaom nagagadan.

Salmo 109:29

Mapano logod nin disonra an sakong mga kaiwal; mapatos sinda nin sopog na garo tamong.

Salmo 40:14

Magkasoropog logod asin magkarilibong an mga nagmamawot na gumadan sako. Magsiribog logod asin masopogan an mga nagmamawot na ako makulogan.

Jeremias 14:4

Huli ta dai nag-uuran asin alang na an daga, nagkasoropog an mga paraoma kaya tinahoban ninda an saindang mga lalawogon.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:37

An Egipto babayaan mo na nakaduko an saimong payo huli sa sopog. Ako, an Kagurangnan, an nagsikwal kan mga sinasarigan mo; dai kang papakinabangon sainda.”

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 3:3

Iyan an dahelan kun tadaw ta pinugol ko an uran asin dai nagbulos ini maski sa panahon kan pagtalubo kan mga tinanom. Garo ka sarong maraot na babae; mayo ka nin kasosopgan.

Mga Panambitan 4:4

Pinababayaan ninda an saindang mga omboy na magadan sa paha saka sa gutom; an mga aki nakikilimos nin kakanon, alagad mayo nin nagtatao sa sainda.

Oseas 2:3

Kun dai siya mag-ontok, huhubaan ko siya arog kan aldaw na siya namundag. Iaarog ko siya sa sarong alang saka mayong tanom na daga, dangan magagadan siya sa paha.

Joel 1:20

Maski an mga lalaw na hayop nag-aagrangay sa saimo huli ta nagmarara an mga sapa, asin hinalon nin kalayo an mga pasabsaban kan kalangtadan.

Amos 4:7

Dai ko ipinadara an uran kan kaipuhan nanggad nindo iyan. Nagpadara ako nin uran sa sarong syudad, alagad dai sa ibang syudad. Naghugpa an uran sa sarong oma, alagad mamara sa ibang oma.

Amos 4:8

Nanluluya sa paha an mga tawo hale sa duwa o tolong syudad sa paghanap nin tubig sa saro pang syudad, alagad mayo duman nin sukat na tubig na maiinom; alagad dai man giraray kamo nagbalik sa sako.

Zacarias 14:17

An arin man na nasyon na dai magduman asin dai magsamba sa Hade, an Kagurangnan nin mga hukbo, dai tatawan nin uran.