Jeremias 14:20 - Marahay na Bareta Biblia

²⁰ Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 14:20 ပူးပေါင်းရင်းမြစ်များ

2 Samuel 12:13

Nagsabi si David, “Nagkasala ako sa Kagurangnan.” “Pinapatawad ka nin Kagurangnan; dai ka magagadan,” an simbag ni Natan.

2 Samuel 24:10

Alagad pakatapos kan pagsenso ni David, nagbasol siya asin nagsabi siya sa Kagurangnan, “Nagkasala ako nin makuri huli kan ginibo kong ini! Nakikimaherak ako na patawadon mo ako sa kalolongan kong ini.”

Nehemias 9:2

Nagsiblag an mga Israelita sa gabos na dayuhan, dangan nagtindog sinda saka nagkumpisal kan saindang mga kasalan asin kan kasalan kan saindang mga ginikanan.

An Libro ni Job 33:27

Masabi siya sa atubang nin mga tawo, ‘Nagkasala ako. Dai ako naggibo kan matanos alagad ilinigtas ako nin Dios.

Salmo 32:5

Dangan nagkumpisal ako kan sakong kasalan saimo; dai ko tinago an mga sala kong gibo. Nagsabi ako, “Ikukumpisal ko an sakong mga kasalan sa Kagurangnan,” asin pinatawad mo an gabos kong kalapasan.

Jeremias 14:7

Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Mga Panambitan 1:20

“Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Mga Panambitan 3:42

“Nagkasala kami saka nagtumang, asin dai mo kami pinatawad, O Kagurangnan.

Mga Panambitan 5:7

Nagkasala an samong mga ginikanan, asin mayo na sinda ngunyan, alagad kami an nagtitios para sa saindang mga kasalan.

Daniel 9:15

“O Kagurangnan na samong Dios, ipinahiling mo an saimong kapangyarihan kan iluwas mo an saimong banwaan sa Egipto asin nagigiromdoman pa sagkod ngunyan an saimong kapangyarihan. Nagkasala kami; ginibo mi an bakong tama.

Amos 7:2

Sa sakong bisyon nahiling kong kinakakan kan mga doron an gabos na tinanom sa bilog na daga, dangan nagsabi ako, “Kagurangnan Dios, patawada an saimong banwaan! Paano sinda mabubuhay? Saradit sinda nin marahay saka maluluya!”