Jeremias 14:2 - Marahay na Bareta Biblia

² “Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 14:2 ပူးပေါင်းရင်းမြစ်များ

An Libro ni Job 34:28

Sinda an nagin dahelan kan pag-agrangay sa Dios kan mga dukha, asin nadangog niya an inagrangay kan mga nasasakitan.

Salmo 144:14

Dumakul logod an samong mga baka, dai logod mataktakan an mga ini sa saindang pagbados. Mayo logod nin mga pagtangis sa samong mga tinampo.

Exodo 2:24

Nadangog sinda nin Dios asin nagiromdoman niya an saiyang tipan ki Abraham, ki Isaac asin ki Jacob.

Isaias 15:5

Tinatangisan kan sakong puso an Moab! Nagdudurulag na an mga tawo pasiring sa Zoar, asin sa Eglat-selisiya. An nagkapira nagtuturukad pasiring sa Luhit, nagtatangis mantang naglalakaw; an nagkapira nagdudurulag pasiring sa Horonaim, makosog na naghaharaya.

Isaias 24:11

Nagkukurahaw an mga tawo sa mga tinampo huli ta mayo na nin arak. Sagkod pa man mayo nang kaogmahan; nawara na iyan sa daga.

Isaias 24:4

An daga magigin mamara asin alang; an bilog na kinaban luluyahon; sabay na malalapa an daga saka an kaitaasan.

Isaias 24:7

Nagkakaaralang an mga balagon nin ubas, asin dikit-dikit na nawawara an arak. An mga maogma kaidto mamondo na ngunyan

Isaias 3:26

Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 12:11

An daga ginibo nindang sarong kalangtadan; nagmomondo iyan sa sakong atubang. An bilog na daga nagin sarong desyerto asin mayong nagmamakulog na tawo.

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 18:22

Magpadara ka nin mga tawo na mayo nin patanid na masamsam kan saindang mga harong; pakurahawa sinda sa takot. Nagkalot sinda tanganing mahulog ako asin nagbugtak sinda nin mga litag tanganing madakop ako.

Jeremias 4:28

Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Jeremias 46:12

Nabaretaan kan mga nasyon an kasosopgan mo; nadangog nin lambang saro an saimong kinurahaw. Nabangga kan sarong soldados an kapwa niya soldados, asin sabay sindang natumba.

Jeremias 8:21

Garo maronot an sakong puso huli ta ronot na an sakong banwaan! Nagmomondo ako; nanluluya nanggad an sakong boot.

Mga Panambitan 2:8

Kabotan nin Kagurangnan na marumpag an mga kudal nin Sion; sinukol niya iyan tanganing maraot nanggad an gabos. An mga tore saka an mga kudal gabos rumpag na ngunyan.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Mga Panambitan 5:10

Gutom an dahelan kan samong kalentura sagkod na an kublit mi magin arog kainit sa horno.

Oseas 4:3

Kaya maaalang an daga, asin magagadan an gabos na nabubuhay diyan. Magagadan man an gabos na hayop, gamgam saka sira.”

Joel 1:10

Mayo nang kaomahan; an daga nagmomondo huli ta naraot an mga tanom na trigo, naalang an mga ubas, asin nagkaaralang an mga kahoy na oliba.

Joel 1:11

Kamong mga paraoma, pagmondo; paghibi, kamong paraataman nin mga ubasan, huli ta an trigo, an sebada, asin an gabos na tinanom nawara na nanggad.

Joel 1:14

Magpaluwas kamo nin mga pagboot para sa pag-ayuno; patiripona an gabos na tawo! Tipona an mga lider asin an mga taga Juda sa laog kan Templo nin Kagurangnan na saindong Dios dangan mag-agrangay kamo saiya!

Joel 2:6

Sa atubang ninda, nagkakatarakot an mga tawo; nanlolongsi an lambang saro.

Hageo 1:11

Nagpadara ako nin labi-labing init sa daga—sa kabubuldan, sa mga oma nin trigo, sa mga ubasan saka olibahan—sa lambang tinanom, sa mga tawo saka mga hayop, asin sa gabos na pinagpapagalan nindo.”

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

1 Samuel 5:12

Maski idtong dai nagkagaradan nagkaigwa nin mga tumor, kaya nag-agrangay an mga tawo sa saindang mga dios.

1 Samuel 9:16

“Sa aga, sa siring kaining oras, ipapadara ko saimo an sarong lalaki na gikan sa tribu ni Benjamin; lahidan mo siya bilang hade kan sakong banwaan na Israel. Siya an maligtas sainda sa mga Filisteo, huli ta nahiling ko an pagtios kan sakong banwaan asin nadangog ko an saindang inagrangay.”