Jeremias 14:19 - Marahay na Bareta Biblia

¹⁹ Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 14:19 ပူးပေါင်းရင်းမြစ်များ

2 Mga Cronica 36:16

Alagad pinag-olog-olog ninda an mga sugo nin Dios, dai dinangog an mga tataramon kan mga ini, saka pinagtuyatuya an mga propeta nin Kagurangnan sagkod na naanggot siya sainda nin makuri, asin dai na nanggad nin paagi na makadulag sinda sa saiyang kaanggotan.

An Libro ni Job 30:26

Alagad kan maghanap ako kan marahay, nagdatong an karatan; asin kan maghalat ako kan liwanag nag-abot an kadikloman.

Salmo 78:59

Naanggot an Dios kan mahiling iyan, kaya isinikwal niya an saiyang banwaan.

Salmo 89:38

Alagad ngunyan saimong isinikwal asin tinalikodan; anggot ka nin marahay sa saimong linahidan.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Jeremias 12:7

An Kagurangnan nagsasabi, “Binayaan ko an Israel; isinikwal ko an pinili kong nasyon. An mga tawong sakong namomotan itinao ko sa saindang mga kaiwal.

Jeremias 12:8

Nagtumang sako an nasyon na pinili ko; arog sa sarong leon sa kadlagan nginaroban ninda ako, kaya naoongis ako sainda.

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Jeremias 30:12

An Kagurangnan nagtataram sa saiyang banwaan, Dai mabobolong an saindong kulog, saka hararom an saindong lugad.

Jeremias 30:13

Mayo nin mag-aataman saindo, mayo na nin bolong para sa saindong lugad mayo na nin paglaom na maomayan pa kamo.

Jeremias 51:5

Huli ta an saindang daga pano nin kasalan tumang sako, an Banal nin Israel, alagad ako, an Kagurangnan nin mga hukbo, dai nagpabaya sa Israel saka sa Juda.

Jeremias 6:30

Aapodon sindang ati kan metal na mayo nin halaga, huli ta ako, an Kagurangnan, iyo an nagsikwal sainda.”

Jeremias 7:29

“Pagmondo kamo, mga taga Jerusalem; putolon nindo an saindong buhok asin tapokan sa harayo. Manambitan kamo sa ibabaw kan kabubuldan, huli ta ako, an Kagurangnan, naaanggot asin isinisikwal ko an sakong banwaan.

Jeremias 8:15

Naghanap kita nin katoninongan, alagad mayo nin nangyari, asin nin aldaw nin pagpaomay, alagad an nag-abot katakotan.

Jeremias 8:22

Mayo na daw nin mga bolong sa Gilead? Mayo na daw nin mga parabolong duman? Tadaw ta dai naoomayan an sakong banwaan?

Mga Panambitan 2:13

O Jerusalem, ano an masasabi ko para saimo? Saen taka ikakabaing, tanganing ika sakuyang maranga? An pagkarumpag mo arog kahiwas kan kadagatan; siisay an makakahirahay saimo?

Mga Panambitan 2:22

Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Mga Panambitan 5:22

O totoo mananggad na isinikwal mo na kami sagkod lamang? Mayo na daw nin kasagkoran an saimong kaanggotan?

Mikas 1:12

An mga taga Marot may kahandalan na naghahalat nin tabang, huli ta an Kagurangnan nagdara nin kapahamakan sagkod sa trangkahan nin Jerusalem.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.