Jeremias 14:16 - Marahay na Bareta Biblia

¹⁶ An mga tawong pinagsabihan ninda kan mga bagay na ini magagadan man sa gera saka sa gutom. Itatapok sa mga tinampo nin Jerusalem an saindang mga bangkay asin mayo nin malubong sa sainda. Ini an mangyayari sainda gabos—pati sa saindang mga agom, saka mga aking lalaki asin babae. Papabayadon ko sinda kan saindang mga karatan.”

Jeremias 14:16 ပူးပေါင်းရင်းမြစ်များ

Mga Talinhaga 1:31

kakakanon nindo an bunga kan saindong gibo asin mababaldi kamo sa saindong mga plano.

Isaias 51:20

Sa lambang kanto kan tinampo an mga aki mo nagkakapurukan sa kaluyahan; garo sinda mga usa na nagkadarakop sa litag kan paraayam. Namatean ninda an kosog kan kaanggotan nin Dios.

Isaias 9:16

Linagalag an mga tawo kan mga lider asin nagkariribong sinda.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 18:21

Alagad ngunyan, Kagurangnan, pabayaan mong magadan sa gutom an saindang mga aki; magadan logod sinda sa gera. Pabayaan mong mawaraan nin agom saka mga aki an mga babae; magadan logod sa helang an mga lalaki saka magadan sa gera an mga hoben nindang lalaki.

Jeremias 20:6

Ika, Pasur, sagkod an saimong pamilya dadakopon saka dadarahon sa Babilonia. Duman kamo magagadan saka ilulubong, kaiba an gabos mong katood na sinabihan mo nin mga kaputikan.’”

Jeremias 27:15

An Kagurangnan mismo an nagtaram na dai niya sinda sinugo, alagad putik na nagpopropesiya sinda sa saiyang ngaran kaya aalawon ka niya asin magagadan ka, kaiba an mga propeta na nagtataram saimo kan mga kaputikan na ini.”

Jeremias 4:18

Juda, ika man sana an nagpadusa sa saimong sadiri huli kan saimong pamumuhay asin gibo. Iyo na ini an saimong kataposan, asin ini mapait; tuminadom ini sa saimong puso.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 7:33

An mga bangkay magigin pagkakan kan mga gamgam saka mga lalaw na hayop; mayo nin mabugaw sainda.

Jeremias 8:1

“Sa panahon na iyan, an mga tolang kan mga hade saka mga opisyal nin Juda, an mga tolang kan mga padi asin kan mga propeta, patin kan mga tawong nag-erok sa Jerusalem, hahaleon sa saindang mga lulubngan.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Jeremias 9:20

Nagsabi ako, “Kamong mga babae, paghinanyog kamo sa Kagurangnan, asin akoon nindo an saiyang mga tataramon. Tukdoan nindong magmondo an saindong mga aking babae asin manambitan an saindong mga katood.

Jeremias 9:22

Nagwararak maski saen an mga bangkay, na garo mga tambak nin ati sa kaomahan, na garo mga paroy na inasyab kan mga paraani dangan binayaan na mayo nin minatipon. Ini an ipinapataram sako nin Kagurangnan.”

Ezekiel 39:14

Pakalihis kan pitong bulan, pipilion an nagkapirang lalaki tanganing maglibot sa bilog na daga sa paghanap asin sa paglubong kan natada pang mga bangkay sa ibabaw kan daga, tanganing malinigan ninda ini.

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Mateo 15:14

Pabayae sana nindo sinda; mga buta sindang giya. Kun an sarong buta magkabit nin kapwa buta, pareho sindang mahuhulog sa kalot.”

Kapahayagan 16:1

Dangan nakadangog ako nin makosog na tingog hale sa templo na nagtataram sa pitong anghel, “Paduman kamo asin iula nindo sa daga an nasa pitong mangko kan kaanggotan nin Dios!”