Jeremias 14:14 - Marahay na Bareta Biblia

¹⁴ Alagad nagsimbag an Kagurangnan, “An mga propeta nagtataram nin mga kaputikan sa ngaran ko; dai ko sinda sinugo, pinagbotan, ni kinaolay man lamang. An bisyon na sinasabi ninda dai naghahale sako; an mga hula na gibo-gibo lamang ninda mayo nin halaga.

Jeremias 14:14 ပူးပေါင်းရင်းမြစ်များ

Isaias 56:10

Nagsasabi siya, “Buta an gabos na lider na iyo kutana an mapatanid sa sakong banwaan! Mayo sindang naaaraman. Arog sinda sa mga ayam na dai nagbabatok—mayo sindang ginigibo kundi maghigda saka mangatorogan. Boot sana nindang magkatorog.

Isaias 9:15

An mga gurang asin mga ginagalangan na lalaki iyo an payo—asin an mga propeta na nagtutukdo nin kaputikan iyo an ikog!

Jeremias 20:6

Ika, Pasur, sagkod an saimong pamilya dadakopon saka dadarahon sa Babilonia. Duman kamo magagadan saka ilulubong, kaiba an gabos mong katood na sinabihan mo nin mga kaputikan.’”

Jeremias 28:11

saka nagsabi sa atubangan kan mga tawo: “An Kagurangnan nagtaram na arog kaini an gigibohon niyang pagbari sa sakal na ibinugtak ni Hadeng Nebukadnezzar sa loong kan gabos na nasyon; gigibohon niya ini sa laog nin duwang taon.” Pakasabi niya kaini, naghale ako.

Jeremias 28:13

magduman saka magsabi ki Ananias: “Nagtaram an Kagurangnan na kaya mong barion an kahoy na sakal alagad riribayan niya iyan nin lansang na sakal.

Jeremias 28:15

Sinabihan ko pa si Ananias, “Paghinanyog, Ananias! Dai ka sinugo nin Kagurangnan alagad pinapatubod mo an mga tawong ini sa sarong kaputikan.

Jeremias 29:21

“An Kagurangnan nin mga hukbo, an Dios nin Israel, nagtaram manongod ki Ahab na aking lalaki ni Kolaias saka manongod ki Zedekias na aking lalaki ni Maaseias, na nagpopropesiya nin mga kaputikan sa ngaran nin Kagurangnan. Nagtaram siya na itatao niya sinda sa kamot ni Nebukadnezzar na hade nin Babilonia. Gagadanon sinda kan hade sa atubangan nindo.

Jeremias 29:31

padarahan an gabos na bilanggo sa Babilon kan mensaheng ini manongod ki Semaias: “Ako, an Kagurangnan, an mapadusa ki Semaias asin sa gabos niyang kapagarakian. Dai ko siya sinugo, alagad nagtaram siya saindo na garo baga siya sarong propeta saka pinatubod niya kamo sa kaputikan. Dai siya magkakaigwa nin mga kapagarakian sa kaibahan nindo. Dai siya mabubuhay tanganing mahiling an mararahay na bagay na gigibohon ko para sa sakong banwaan, huli ta tinaraman niya sinda na magrebelde tumang sako. Ako, an Kagurangnan, an nagtaram.”

Jeremias 37:19

Ano an nangyari sa saimong mga propeta na nagsabi saimo na an hade nin Babilonia dai masalakay saimo ni kan nasyon na ini?

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Jeremias 8:11

Para sainda, an mga lugad kan sakong banwaan mga kamros sana. Minasabi sinda na igwa nin katoninongan maski mayo man nin katoninongan.

Mga Panambitan 2:14

An saimong mga propeta mayong sinabi saimo kundi kaputikan; dai ninda ihinayag an saimong kasalan tanganing dai ka makabalik sa dati mong kamugtakan, kundi pinatubod kang an pagsolsol dai na kaipuhan.

Mga Panambitan 2:9

An mga trangkahan natahoban na kan mga gaba; bari asin ronot na an mga barat kan mga iyan. Nabihag na an hade asin an mga prinsipe; mayo na an Katogonan. An mga propeta dai na nagkakaigwa nin mga bisyon hale sa Kagurangnan.

Ezekiel 12:24

“Sa Israel, dai na magkakaigwa nin bakong totoong mga bisyon asin makakaribong na mga propesiya.

Ezekiel 13:2

“Aki nin tawo, magpropesiya ka laban sa mga propeta nin Israel, na nag-iimbento kan sadiri nindang propesiya. Sabihan mo sinda na magdangog sa tataramon nin Kagurangnan!”

Ezekiel 13:23

Kaya ngunyan, tapos na an saindong bakong totoong mga bisyon asin nakakaribong na pahayag manongod sa maabot na panahon. Ililigtas ko an sakong banwaan sa irarom kan saindong kapangyarihan, tanganing maaraman nindo na ako an Kagurangnan.”

Ezekiel 21:29

Bakong totoo an mga bisyon na nahihiling nindo, asin kaputikan an mga ipinapahayag nindo. Tampalasan saka maraot kamo; nagdadangadang na an saindong aldaw, an aldaw kan huring pagpadusa saindo. Mahugpa sa saindong mga liog an espada.

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Zacarias 13:3

Dangan kun igwa nin tawong boot pa giraray na magpropesiya, sasabihan siya kan sadiri man sana niyang mga magurang na kaipuhan gadanon siya, huli ta nagsabi siyang tataramon nin Kagurangnan an saiyang itinataram, alagad kaputikan palan an saiyang sinambit. Kun magpropesiya siya gagadanon siya kan sadiri man sana niyang magurang.

Deuteronomio 18:20

Alagad kun igwa nin sarong propeta na mangahas magpahayag nin mensahe sa ngaran ko, na dai ko man ipinagboot na gibohon, magagadan siya huli kaiyan. Siring man, magagadan an siisay man na propeta na magtaram sa ngaran nin ibang dios.’

1 Timoteo 4:2

An mga katukdoan na iyan pinalalakop kan mga putikon, na an konsyensya garo minarkahan nin nagbabagang lansang.

1 Juan 4:1

Mga namomotan, dai kamo magtubod sa mga nagsasabing igwa sinda kan Espiritu, kundi baloon nindo sinda, tanganing maaraman nindo kun an espiritu na nasa sainda talagang hale sa Dios; huli ta dakul na bakong tunay na propeta an nagtunga sa gabos na lugar.