Jeremias 14:10 - Marahay na Bareta Biblia

¹⁰ Nagsasabi an Kagurangnan manongod sa mga tawong ini, “Mas boot nindang magharayo sako, asin dai ninda pinugol an saindang sadiri. Kaya dai ko sinda nawiwilihan. Gigiromdomon ko an mga maraot nindang gibo asin papadusahan ko sinda huli kan mga kasalan ninda.”

Jeremias 14:10 ပူးပေါင်းရင်းမြစ်များ

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

Salmo 119:101

An lambang maraot na gawe sakong linilikayan, tanganing maotob ko an saimong tataramon.

Salmo 95:10

Nabaldi ako sa henerasyon na idto sa laog nin kwarentang taon. Nagtaram ako, ‘Sinda sarong banwaan na nagkakasala sa puso, asin dai ninda sinusunod an sakong mga dalan.’

Exodo 32:34

Alagad lakaw na asin pangenotan mo an mga tawo pasiring sa lugar na itinaram ko saimo. Giromdoma na papangenotan kamo kan sakong anghel, alagad maabot an panahon na papadusahan ko an mga tawong iyan huli kan saindang kasalan.”

Jeremias 2:36

Hinalean mo nin halaga an saimong sadiri huli sa pagsunod sa mga dios-dios kan ibang mga nasyon. Sosopogon ka kan Egipto, siring kan ginibo saimo kan Asiria.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Jeremias 8:5

Banwaan ko, tadaw ta minatalikod kamo sako dangan dai na minabalik? Namugol kamo sa saindong mga dios-dios asin habo kamong magbalik sako.

Ezekiel 29:16

An mga Israelita dai na nanggad masarig sa Egipto. An nangyari sa Egipto magpapagiromdom sa sainda na nasala sinda sa pagsarig sa nasyon na idto. Dangan maaaraman nin Israel na ako an Kagurangnan Dios.”

Oseas 11:7

Boot nindang magsinutil sako. Maagrangay sinda huli kan sakal na pasan ninda, alagad mayo nin siisay man na mahale kaiyan.

Oseas 11:9

Dai taka papadusahan sa sakong kaanggotan; dai ko na nanggad raraoton an Israel. Huli ta Dios ako asin bakong tawo. Ako, an Banal na Dios, kaibahan nindo. Dai ako madiyan saindo sa kaanggotan.

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Oseas 7:2

Dai lamang naglaog sa saindang isip na magigiromdoman ko an gabos na karatan na ini; alagad napapalibotan sinda kan saindang mga kasalan, asin dai pwedeng dai ko mahiling an mga iyan.”

Oseas 8:13

Nagdodolot sinda sako nin mga sakripisyo asin kinakakan ninda an laman kan mga sakripisyo. Alagad ako, an Kagurangnan, dai naoogma sainda, asin gigiromdomon ko ngunyan an saindang kasalan dangan papadusahan ko sinda huli kaiyan; ibabalik ko sinda sa Egipto!

Oseas 9:9

Mayo na sindang ibang ginigibo kundi karatan, siring kan yaon sinda sa Gibea. Gigiromdomon nin Dios an saindang kasalan asin papadusahan sinda huli kaiyan.

Amos 3:2

“Sa gabos na nasyon sa daga, ika sana an pinili ko asin inataman. Iyan an dahelan kun tadaw ta orog na minagabat an saimong mga kasalan, asin kun tano ta kaipuhan padusahan taka.”

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Hebreyo 8:12

Papatawadon ko an saindang mga kasalan; lilingawan ko an saindang mga karatan.”

1 Samuel 15:2

Ini an itinataram nin Kagurangnan nin mga hukbo, ‘Papadusahan ko an mga Amalekita huli ta kinalaban kan saindang mga ginikanan an mga Israelita kan magharale sinda sa Egipto.