Jeremias 13:9 - Marahay na Bareta Biblia

⁹ “Siring kaiyan an gigibohon kong paglaglag sa kapalangkawan nin Juda asin sa dakulang kapalangkawan nin Jerusalem.

Jeremias 13:9 ပူးပေါင်းရင်းမြစ်များ

Mga Talinhaga 16:18

An kapaabaw-abawan minabunga nin kapahamakan, asin an kapalangkawan nin pagkahulog.

Isaias 16:6

Minasabi an mga taga Juda, “Nadangog mi an kapalangkawan kan mga taga Moab. Gabos kaputikan an saindang ipinagpapaabaw-abaw asin ipinaghahambog.”

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Jeremias 13:8

Kinaolay giraray ako nin Kagurangnan. An sabi niya,

Jeremias 25:18

Pinainom ko sa kalis an Jerusalem, an gabos na banwa nin Juda, asin an mga hade saka an mga lider ninda tanganing magin sinda sarong desyerto, sarong makangingirhat saka makatatakot na tanawon, dangan tanganing an ngaran ninda gamiton kan mga tawo bilang sarong maldisyon—arog kan ginigibo ninda sagkod ngunyan.

Jeremias 48:29

Mapaabaw-abaw nanggad an Moab! Nabaretaan ko an kapaabaw-abawan, kapalangkawan, kahambogan kan mga tawo, asin an pagigin makasadiri ninda.

Ezekiel 16:50

Mapaabaw-abaw sinda saka matagas an payo, asin ginibo ninda an mga bagay na habo ko, kaya tinunaw ko sinda siring sa naaaraman mo.

Ezekiel 16:56

Bakong ginibo mong ngingisihan an Sodoma kan panahon nin saimong kapaabaw-abawan,

Levitico 26:19

Babarion ko an kapaabaw-abawan kan saindong kapangyarihan; dai magkakaigwa nin uran asin magigin mamara saka matagas siring sa lansang an saindong daga.

Nahum 2:2

Madali nang ibalik nin Kagurangnan an kamurawayan nin Israel, an dating kamurawayan kaini kan dai pa sinasamsaman kan saiyang mga kaiwal.)

Sofonias 3:11

Sa panahon na iyan, kamong banwaan ko, dai na dapat masopog kan ginibo nindong pagrebelde sako. Hahaleon ko sa tahaw nindo an siisay man na mahambog saka mapaabaw-abaw, asin dai na nanggad kamo marebelde sako sa sakong banal na bulod.

Lukas 18:14

Sinasabihan ko kamo na an lalaking idto mapuling matanos ki sa Fariseo. Huli ta an nagpapalangkaw, ibababa; alagad an nagpapakumbaba, ilalangkaw.”

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”