Jeremias 13:27 - Marahay na Bareta Biblia

²⁷ Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 13:27 ပူးပေါင်းရင်းမြစ်များ

Salmo 94:4

Sagkod nuarin maghahambog an mga kriminal asin magpapaabaw-abaw kan saindang mga gibo?

Salmo 94:8

Pakasabota nindo, mga tawong patal! Mga lolong, nuarin nindo masasabotan?

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Isaias 57:7

Minasakat kamo sa haralangkaw na bukid tanganing magdolot nin mga sakripisyo asin magdororogan.

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 11:15

Nagsasabi an Kagurangnan, “An banwaan na sakong namomotan naggigibo nin mga karatan. Ano an saindang deretso na maglaog sa sakong Templo? Sa paghona daw ninda mapupugol ninda an pag-abot kan kasakitan huli sa paggibo nin mga panuga saka pagdolot nin mga atang na hayop? Dangan makakapag-ogma na daw sinda?

Jeremias 3:6

Kan panahon ni Hadeng Josias, nagsabi sako an Kagurangnan, “Nahiling mo an ginibo kan Israel, an bakong maimbod na babae? Nagtalikod siya sako, asin sa ibabaw nin lambang halangkaw na bulod saka sa lindong nin lambang berdeng kahoy naggibo siya kan karigsokan kan babaeng maraot.

Ezekiel 16:23

Nagtaram an Kagurangnan Dios, “Herak man saimo! Ginibo mo an gabos na karatan na iyan, dangan

Ezekiel 2:10

Binukasan kan kamot an libro asin nahiling ko na an mag-ibong kaini pano nin surat—nasusuratan ini nin mga panambitan, mga pagmondo, asin mga pag-agrangay.

Ezekiel 20:28

Dinara ko sinda sa daga na ipinanuga ko sainda. Kan mahiling ninda an mga halangkaw na bulod asin an mga berdeng kahoy, dinolotan ninda nin sakripisyo an mga ini. Pinaanggot ninda ako huli kan saindang mga tinutong na sakripisyo asin mga dolot na arak.

Ezekiel 24:12

maski ngani dai man mahahale kan kalayo an gabos na takla kaiyan.

Ezekiel 24:13

Jerusalem, an takla mo iyo an saimong marompot na gibo. Maski hiningowa kong malinigan ka, nagdanay kang maati. Dai ka na nanggad malilinigan sagkod na mamatean mo an bilog kong kaanggotan.

Ezekiel 24:6

Ini an itinataram nin Kagurangnan Dios, “Herak man sa syudad nin mga paragadan! Arog iyan sa sarong tinataklang kaldero na dai lamang linilinigan. Hinahale diyan an lambang pedaso nin karne asin mayo nin itinatada.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Ezekiel 36:37

Ini an itinataram nin Kagurangnan Dios, “An mga Israelita tutugotan ko giraray na maghagad sako nin tabang, asin papadakulon ko sinda sa bilang arog sa sarong ariponpon nin mga karnero.

Ezekiel 6:13

An saindang mga bangkay magkakawararak sa palibot kan mga altar sa kaibahan kan mga dios-dios, magkakawararak sa lambang halangkaw na bulod, sa alitoktok kan lambang bukid, sa lindong nin lambang berdeng kahoy asin lambang madahon na hamurawon, sa lambang lugar na pinagdolotan ninda nin sakripisyo para sa saindang mga dios-dios. Dangan maaaraman ninda gabos na ako an Kagurangnan.

Oseas 1:2

Kan an Kagurangnan enot na magtaram sa Israel sa paagi ni Oseas, sinabihan niya ini, “Lakaw dangan mag-agom ka; an agom mo magigin bakong maimbod saimo, asin an mga aki mo magigin arog man saiya. Sa parehong paagi binayaan ako kan sakong banwaan asin dai sinda nagin maimbod sako.”

Oseas 4:2

Nanunuga sinda alagad dai iyan inootob; nagpuputik sinda, nanggagadan, nanghahabon, asin nagdodorog sa bako nindang agom. Nagdadakul an krimen, asin sunod-sunod an garadanan.

Oseas 8:5

Ikinakaongis ko an bulawan na baka na sinamba kan mga taga Samaria. Naglalaad an sakong kaanggotan laban sainda. Nuarin ninda babayaan an pagsamba sa mga dios-dios?

Sofonias 3:1

Herak man sa Jerusalem, idtong maraot saka rebeldeng syudad, na nang-aapi sa sadiri niyang mga namamanwaan.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

2 Corinto 12:21

Natatakot ako na pagdiyan ko liwat, sopogon ako kan sakong Dios sa saindong atubangan. Magmomondo ako saka magtatangis huli sa dakul na tawong nagkasala kaidto, na dai nagsolsol kan mga karigsokan asin karompotan na saindang ginibo.

2 Corinto 7:1

Namomotan kong mga tugang, an gabos na panugang ini para sato. Kaya linigan ta an satong sadiri sa mga bagay na nakakaati sa satong hawak asin kalag. Mamuhay kitang tunay na banal, na may pagkatakot sa Dios.

Santiago 4:4

Mga bakong maimbod! Bakong aram nindo na an pakikatood sa kinaban, pakiiwal sa Dios? Kaya an siisay man na boot makipagkatood sa kinaban, kaiwal nin Dios.

Kapahayagan 8:13

Dangan naghiling ako asin nadangog ko an sarong agila na nagtataram sa makosog na tingog, mantang naglalayog iyan sa kaitaasan, “Herak man! Herak man sa gabos na nag-eerok sa daga kun patanogon na an mga trompeta kan tolo pang anghel!”