Jeremias 13:25 - Marahay na Bareta Biblia

²⁵ Sinabi niya na iyan an saimong aabotan. Gigibohon niya iyan saimo huli ta liningawan mo siya asin nagsarig ka sa bakong totoong mga dios.

Jeremias 13:25 ပူးပေါင်းရင်းမြစ်များ

An Libro ni Job 20:29

“Iyo ini an palad kan mga maraot, an pamanang itinalaan para sainda nin Dios.”

Salmo 11:6

Pinapauranan niya nin nagkakalayong mga baga saka asupre an mga maraot; pinapadusahan niya sinda nin nakakapasong doros.

Salmo 9:17

An kagadanan iyo an padudumanan kan gabos na maraot, kan gabos na nakakalingaw sa Dios.

Isaias 17:4

Nagsabi an Kagurangnan, “Maabot an aldaw na matatapos an kadakulaan nin Israel, asin an kayamanan kaiyan mariribayan nin kadukhaan.

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 34:17

Maerok sinda sa daga sagkod pa man, asin masasadirihan ninda iyan sagkod lamang.

Isaias 65:7

huli kan mga kasalan ninda, asin kan kasalan kan saindang mga ginikanan. Nagtutong sinda nin mga insenso sa paganong mga lugar na pagsasambahan asin pinakaraot ako. Kaya papadusahan ko sinda sosog sa saindang mga ginibo.”

Jeremias 10:14

Sa paghiling kaiyan, namamatean nin mga tawo na sinda mangmang saka mayo nin pakaaram. Napapasopog an lambang panday na naggigibo nin mga dios-dios huli ta an mga dios ninda bakong totoo asin mayo nin buhay.

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:32

Malilingawan daw nin sarong daraga an saiyang mga alahas, o nin sarong nobya an saiyang gubing na pangkasal? Alagad nalingawan ako kan sakong banwaan sa halawig na panahon.

Jeremias 3:21

May nadangog na ribok sa mga alitoktok kan kabubuldan: iyan mga paghibi saka pagtangis kan banwaan nin Israel, huli ta namuhay sinda sa karatan asin an Kagurangnan na saindang Dios saindang nalingawan.

Ezekiel 23:35

Kaya ini an itinataram kan Kagurangnan Dios: “Huli ta nalingawan mo ako asin nagtalikod ka sako, titioson mo an bunga kan saimong kadustaan asin karompotan.”

Mikas 3:11

An mga pamayo nagpapasuhol bago maghukom, nagpapatandan an mga padi bago magtukdo, asin an mga propeta naghuhula huli sa kwarta—asin gabos sinda nagsasabi na yaon sainda an Kagurangnan. Nagsasabi sinda, “Mayong maraot na maabot sa samo. Yaon sa samo an Kagurangnan.”

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Mateo 24:51

asin papadusahan siya nin kagadanan saka ibubugtak sa kaibahan kan mga parasagin-sagin. Duman siya magtatangis asin magraragot an saiyang mga ngipon.

Roma 1:25

Tinalikodan ninda an katotoohan manongod sa Dios dangan nagtubod sinda sa kaputikan. Sinamba ninda saka pinaglingkodan an linalang, bako an Kaglalang na iyo an dapat omawon sagkod pa man! Amen.