Jeremias 13:24 - Marahay na Bareta Biblia

²⁴ Iwawarak ka nin Kagurangnan arog kan dagami na ipinapalid kan doros na hale sa desyerto.

Jeremias 13:24 ပူးပေါင်းရင်းမြစ်များ

Salmo 1:4

Alagad bakong siring kaini an mga maraot; siring sinda sa ata na pinapalid kan doros.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Isaias 41:16

Papatoronon mo sinda; dadarahon sinda kan doros sa harayo, asin iwawarak sinda kan bagyo. Dangan magigin maogma ka huli ta ako an saimong Dios; oomawon mo ako, an banal na Dios nin Israel.

Jeremias 18:17

Iwawarak ko an sakong banwaan sa atubang kan saindang mga kaiwal, arog sa alpog na ipinapalid kan doros hale sa sirangan. Tatalikodan ko sinda; dai ko sinda tatabangan sa panahon nin saindang kasakitan.”

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Mga Panambitan 1:15

“Nginisihan nin Kagurangnan an makokosog kong mga soldados. Sarong hukbo an inatubang niya sako tanganing ronoton an mga hoben kong lalaki. Siring sa mga ubas, an aking daraga nin Juda tinimaktimakan nin Kagurangnan.

Ezekiel 17:21

Magagadan sa gera an pinakamarahay niyang mga soldados, asin an mga matatada magkakawararak sa gabos na direksyon. Dangan maaraman nindo na ako, an Kagurangnan, an nagtaram.”

Ezekiel 5:12

An ikatolong kabtang kan saimong banwaan magagadan sa helang saka sa makuring gutom; an saro pang kabtang magagadan sa espada sa luwas kan syudad; asin an saro pang kabtang iwawarak ko sa gabos na direksyon dangan lalamagon ko nin espada.

Ezekiel 5:2

An saro sa tolong kabtang suloon mo sa tahaw kan syudad kun tapos na an pagsalakay. An ikaduwang kabtang kan buhok purutolon mo kan saimong espada mantang naglilibot ka sa syudad, dangan an ikatolong kabtang kan buhok iwarak mo tanganing ipadpad kan doros asin lalamagon ko iyan kan sakong espada.

Ezekiel 6:8

“Alagad tutugotan kong mabuhay an nagkapira sainda. An mga makakadulag iwawarak ko sa mga nasyon,

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Sofonias 2:2

bago kamo maalang saka magadan siring sa sarong burak, bago mag-abot saindo an naglalaad na kaanggotan nin Kagurangnan, bago mag-abot saindo an aldaw nin pagpahiling niya kan saiyang kaanggotan.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Deuteronomio 28:64

“Iwawarak kamo nin Kagurangnan sa gabos na nasyon, sa gabos na poro nin daga; malingkod kamo duman sa mga dios-dios na gibo sa kahoy saka gapo, mga dios-dios na dai pa nindo sinamba ni kan saindong mga ginikanan.

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.

Deuteronomio 4:27

Iwawarak kamo nin Kagurangnan sa ibang mga nasyon saen nagkapira sana sa saindo an matatadang buhay.