Jeremias 13:23 - Marahay na Bareta Biblia

²³ Maliliwat daw nin sarong maitom na lalaki an kolor kan saiyang kublit o nin leopardo an saiyang patak-patak? Kun mahimo ninda iyan, makakanood na man ika na maggibo nin matanos, ika na mayong ibang aram na gibo kundi karatan.

Jeremias 13:23 ပူးပေါင်းရင်းမြစ်များ

2 Mga Hade 17:40

Alagad habong maghinanyog an mga tawong idto; naggibo sinda sosog sa dati nindang gawe.

Mga Talinhaga 27:22

Maski pa bayohon sa lubang an lolong na garo trigo, dai nanggad mahahale an saiyang kalolongan.

Parahulit 1:15

Dai man napapatanos an tiko, asin an mayo dai man nabibilang.

Isaias 1:5

Tadaw ta padagos kang nagrerebelde? Boot mo pang madugangan an saimong padusa? Makulog an bilog mong payo, nanluluya an puso mo.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Jeremias 2:22

Maski ka pa maggamit nin lihiya saka dakul na sabon sa paghugas, mahihiling ko man giraray an digta kan saimong kasalan.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Jeremias 9:5

An gabos nandadaya sa katood niya, mayong nagtataram nin katotoohan; tinukdoan ninda an saindang dila na magtaram nin kaputikan asin dai sinda maontok sa paggibo nin kasalan.

1 Samuel 19:21

Kan mabaretaan ini ni Saul, nagsugo siya nin ibang mga lalaki, alagad nagpoon man sindang magsayaw saka magkurahaw. Sa ikatolong beses nagsugo nin mga lalaki si Saul, alagad pareho man an ginibo ninda.