Jeremias 13:20 - Marahay na Bareta Biblia

²⁰ Hilinga, Jerusalem! Nagdadangadang na an saimong mga kaiwal hale sa amihan! Haen na an mga tawong ipinapaniwala saimo, an banwaan na ipinag-orgulyo mo?

Jeremias 13:20 ပူးပေါင်းရင်းမြစ်များ

Mga Talinhaga 14:28

An kabantogan kan sarong hade nasa kadakulan kan saiyang nasasakopan; mayo nin halaga an sarong hade kun mayo siyang tawohan.

Jeremias 1:14

Nagtaram siya sako, “Hale sa amihan, an karatan mabulos sa gabos na nag-eerok sa dagang ini,

Jeremias 1:15

huli ta aapodon ko an gabos na kahadean sa amihan na magdigdi. An mga hade ninda mabugtak kan saindang mga trono sa mga trangkahan nin Jerusalem saka sa palibot kan mga kudal kaini. Siring man an gigibohon ninda sa palibot kan gabos na syudad nin Juda.

Jeremias 10:22

Paghinanyog! Igwang nag-abot na bareta! Igwa nin dakulang karibokan sa sarong nasyon sa amihan; an saindang hukbo iyo an maraot kan mga syudad nin Juda asin ini magigin sarong desyerto, sarong lugar saen pag-eerokan kan mga lalaw na ayam.”

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 23:2

Iyo ini an itinaram nin Kagurangnan, an Dios nin Israel, manongod sa mga pamayo na dapat kutana nag-aataman kan saiyang banwaan: “Dai nindo inataman an banwaan ko; iwinarak nindo sinda saka isinubol sa harayo. Papadusahan ko kamo ngunyan huli kan karatan na saindong ginibo.

Jeremias 6:22

An Kagurangnan nagtataram, “May maabot na mga tawong hale sa sarong lugar sa amihan; sarong makosog na nasyon sa harayong lugar an nag-aandam para sa gera.

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.