Jeremias 13:19 - Marahay na Bareta Biblia

¹⁹ An mga banwa sa habagat na parte nin Juda napapalibotan na; mayo na nin makakalaog duman. Dinarang bihag an gabos na taga Juda tanganing itapok.”

Jeremias 13:19 ပူးပေါင်းရင်းမြစ်များ

2 Mga Hade 25:21

sa teritoryo nin Hamat. Duman sa Ribla, ipinahampak sinda kan hade saka ipinagadan. Kaya dinarang bihag an mga taga Juda sa luwas kan saindang daga.

1 Mga Cronica 9:1

Nakalista an gabos na mga taga Israel sosog sa saindang mga pamilya, asin ini nakatala sa An Libro kan mga Hade nin Israel. Itinapok sa Babilon an mga taga Juda bilang padusa kan saindang kasalan.

An Libro ni Job 12:14

Kun minagaba an Dios, mayong nakakahirahay; kun igwa siyang ibinibilanggo, mayo nin nakakapatalingkas.

Jeremias 17:26

Maabot an mga tawo hale sa mga banwa nin Juda asin sa mga baryo sa palibot nin Jerusalem; maabot man an mga tawo hale sa teritoryo nin Benjamin, hale sa mga poon kan bulod, hale sa mga bukid, asin hale sa habagat na parte kan Juda. Madara sinda sa sakong templo nin mga tinutong na atang asin mga sakripisyo, mga dolot na pagkakan saka insenso, patin mga dolot nin pasasalamat.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 24:1

Ipinahiling sako nin Kagurangnan an duwang basket nin higera na nasa atubangan kan Templo. (Ini nangyari pakatapos na mabihag ni Hadeng Nebukadnezzar si Hadeng Jehoiakin nin Juda, na aking lalaki ni Jehoiakim, kaiba an mga lider nin Juda, an mga panday saka mga ekspertong trabahador, hale sa Jerusalem pasiring sa Babilonia.)

Jeremias 28:4

Ibabalik ko man digdi si Jehoiakin na aking lalaki ni Jehoiakim, na hade nin Juda, asin an gabos na taga Juda na ipinatapok sa Babilonia. Hahaleon ko na an kapangyarihan kan hade nin Babilonia. Ako, an Kagurangnan, an nagtaram.”

Jeremias 32:44

Babakalon iyan kan mga tawo, asin sa atubangan nin mga saksi, pipirmahan saka seselyohan an kasuratan nin pagpabakal. Mangyayari ini sa teritoryo ni Benjamin, sa mga baryo sa palibot kan Jerusalem, sa mga banwa nin Juda, sa mga banwa sa mabulod na daga, sa pamitisan kan mga bulod, asin sa parteng habagat nin Juda. An mga tawo ibabalik ko sa saindang daga. Ako, an Kagurangnan, an nagtaram.”

Jeremias 33:13

Sa mga banwa kan mabulod na daga, sa pamitisan kan mga bulod, sa parteng habagat kan Juda, sa daga nin Benjamin, sa mga baryo sa palibot nin Jerusalem, asin sa mga banwa nin Juda, an mga pastor magbibilang giraray kan saindang mga karnero. Ako, an Kagurangnan, an nagtaram.”

Jeremias 39:9

Pakatapos, dinara ni Nebuzaradan, an pinakahalangkaw na opisyal kan hukbo, an mga tawong natada sa syudad bilang mga bihag sa Babilonia, kaiba an mga nagdulag sa syudad tanganing magkampi saiya.

Jeremias 52:27

sa teritoryo nin Hamat. Duman sa Ribla, ipinahampak sinda kan hade saka ipinagadan. Kaya dinarang bihag an mga taga Juda sa luwas kan saindang daga.

Jeremias 52:28

Iyo ini an bilang kan mga tawong binihag ni Nebukadnezzar: kan ikapitong taon nin saiyang paghahade, binihag niya an tres mil beynte tres na Judio;

Jeremias 52:30

kan ikabeynte y tres na taon nin saiyang paghahade, binihag ni Nebuzaradan, an syete syentos kwarenta y singkong Judio. An kabilogan na bilang kan mga binihag uminabot sa kwatro mil seis syentos katawo.

Mga Panambitan 1:3

An mga taga Juda nagin makaheherak na mga oripon, na pirit na pinahale sa saindang harong. Nag-eerok sinda ngunyan sa mga dagang dayuhan, mayong nakukuang mapapahingaloan. Napapalibotan siya nin mga kaiwal mantang nasa makuring kasakitan.

Zacarias 7:7

Iyo ini an itinaram nin Kagurangnan sa paagi kan mga naenot na mga propeta kan panahon na mauswag pa an Jerusalem asin pano ini nin mga tawo, dangan kan panahon na an mga banwa sa palibot kan syudad kadakul an nag-eerok siring man an rehiyon sa habagat saka an mga kababan sa solnopan.

Deuteronomio 28:15

“Alagad kun magsombikal kamo sa Kagurangnan na saindong Dios, asin dai kamo magmaimbod sa pagkuyog kan gabos niyang togon saka pagboot na itinatao ko saindo ngunyan na aldaw, maabot saindo an mga maldisyon na ini:

Deuteronomio 28:52

Sasalakayon ninda an gabos na banwa na itatao saindo nin Kagurangnan na saindong Dios, sagkod na magkagaraba an haralangkaw asin makokosog na kudal na saindong sinasarigan.

Josue 18:5

Babangaon ninda sa pitong parte an bilog na daga; mag-eerok si Juda sa saiyang teritoryo sa habagat, asin si Jose sa saiyang teritoryo sa amihan.