Jeremias 13:16 - Marahay na Bareta Biblia

¹⁶ Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Jeremias 13:16 ပူးပေါင်းရင်းမြစ်များ

An Libro ni Job 3:5

Giboha idtong magin sarong aldaw nin kamondoan saka mahibog na kadikloman; tahobi idto nin mga panganoron, asin paraa an aldaw.

Salmo 107:10

An nagkapira sainda nabubuhay sa kamondoan asin sa kadikloman, mga bilanggo na nagtitios asin nakakadenahan,

Salmo 107:14

Hinawas niya sinda sa kamondoan asin kadikloman, saka pinaratod an saindang mga kadena.

Salmo 29:2

Itao sa Kagurangnan an kamurawayan nin saiyang ngaran; sambahon an Kagurangnan sa saiyang pagdatong.

Salmo 44:19

Alagad rinonot mo kami sa tahaw nin mga lalaw na ayam, asin tinahoban kami kan mahibog na kadikloman.

Exodo 10:21

Nagtaram an Kagurangnan ki Moises, “Unata paitaas an saimong kamot tanganing magkaigwa nin mahibog na kadikloman na matahob kan daga nin Egipto, sarong kadikloman na mamamatean kan gabos.”

Mga Talinhaga 4:19

An dalan kan mga tampalasan madiklom siring sa banggi. Natutumba sinda alagad dai ninda nahihiling kun ano an saindang nasingkogan.

Parahulit 11:8

Magpasalamat ka para sa lambang taon nin saimong pagkabuhay. Maski gurano kahalawig an saimong buhay, mas halawig an panahon nin saimong pagkagadan. An gabos pang maabot mayo nin halaga.

Isaias 5:30

Pag-abot kan aldaw na iyan, an ungal ninda sa Israel magigin makosog siring sa hagubohob kan dagat. Hilinga nindo an dagang ini! Pano nin kadikloman asin kahorasaan! An liwanag hinaloan kan kadikloman.

Isaias 59:10

Nagkakapkap kami siring sa mga buta. Nagkakadarasmag kami maski odto, na garo iyan banggi, na garo yaon kami sa madiklom na kinaban kan mga gadan.

Isaias 59:9

Nagsabi an mga tawo, “Ngunyan aram mi na kun tadaw ta dai kami iliniligtas nin Dios sa mga nang-aapi samo. Naghahanap kami nin liwanag alagad kadikloman an samong nakukua.

Isaias 60:2

An ibang nasyon matatahoban kan kadikloman, alagad maliliwanagan ka kan ilaw nin Kagurangnan; iibahan ka kan liwanag nin saiyang presensya.

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 14:19

Kagurangnan, isinikwal mo na daw nanggad an Juda? Kinakaongisan mo na daw an mga tawo sa Sion? Tadaw ta kinulogan mo kami nin marahay, kaya dai na kami maoomayan? Naghanap kami nin katoninongan, alagad mayo nin nag-abot na karahayan; naglaom kami na maomayan, alagad an nag-abot katakotan.

Jeremias 2:6

Dai ninda ako nagiromdoman maski ako an nagluwas sainda hale sa Egipto saka nangenot sainda sa kalangtadan: sarong daga nin mga desyerto asin mga kalot, sarong dagang alang saka pano nin pag-alaman, na mayo nin tawong nag-eerok saka nag-aagi.

Jeremias 23:12

Kaya an mga dalan na saindang linalakawan magigin mahalnas saka madiklom; magkakasiringkog sinda saka magkakaturumba. Papadarahan ko sinda nin kasakitan; an oras nin pagpadusa sainda nagdadangadang na. Ako, an Kagurangnan, an nagtaram.

Jeremias 4:23

Hiniling ko an daga—mayo ini nin porma saka laog; an kalangitan—mayo ini nin ilaw.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Jeremias 6:21

Kaya bubugtakan ko nin mga singkogan an banwaan na ini tanganing magkadarapa sinda. Magagadan an mga ama saka mga aking lalaki; siring man an mga magkatood saka mga magkanatad.”

Jeremias 8:15

Naghanap kita nin katoninongan, alagad mayo nin nangyari, asin nin aldaw nin pagpaomay, alagad an nag-abot katakotan.

Mga Panambitan 4:17

Nagdiklom na an samong panhiling sa paghanap nin tabang na dai man nag-abot; nagparahalat kami nin tabang hale sa sarong nasyon na mayo man nin ikakatao.

Ezekiel 21:15

An espadang iyan nakakapaluya kan boot kan sakuyang banwaan asin nakakapatumba sainda. An saindang syudad hinuhomaan ko nin sarong espada na nagsisilyab siring sa kikilat asin andam sa paggadan.

Ezekiel 34:12

siring na an sarong pastor nag-aataman kan saiyang mga karnerong nagkawararak, asin tinitipon niya giraray. Ibabalik ko sinda hale sa mga lugar na pinagkawararakan ninda kaidtong madiklom saka makuri na aldaw.

Ezekiel 36:15

An daga dai ko na tutugotan na makadangog pa nin mga pagtuyatuya kan mga nasyon, asin dai na iyan matios kan mga pagsopog nin mga banwaan. Dai na kaiyan hahabonan nin mga aki an nasyon. Ako, an Kagurangnan Dios, an nagtaram.”

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Amos 4:13

An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Amos 5:18

Herak man saindo na mga nagmamawot na mag-abot na an aldaw nin Kagurangnan! Anong karahayan an itatao saindo kan aldaw na iyan? An aldaw na iyan magigin aldaw nin kadikloman asin bakong aldaw nin kaliwanagan.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”

1 Pedro 2:8

Nasasabi pa sa kasuratan, “Iyo ini an gapong masisingkogan nin mga tawo, an gapong makakapatumba sainda.” Nasingkog sinda huli ta dai sinda nagtubod sa tataramon nin Dios; iyo ini an itinalaga para sainda.

1 Samuel 6:5

Kaya kaipuhan maggibo kamo nin mga porma kan mga tumor asin kan mga kino na nagraot kan saindong daga, dangan omawon nindo an Dios nin Israel; tibaad paontokon na niya an pagpadusa saindo, sa saindong mga dios asin sa saindong daga.