Jeremias 13:14 - Marahay na Bareta Biblia

¹⁴ Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 13:14 ပူးပေါင်းရင်းမြစ်များ

2 Mga Cronica 20:23

Sinalakay kan mga Ammonita saka mga Moabita an mga Edomita sagkod na magkagaradan an mga ini. Dangan naghampangan an mga Ammonita saka an mga Moabita asin maringis sindang naglaban.

An Libro ni Job 27:22

Mayong herak na hohoyopon sinda kan doros mantang naghihingowa sindang makadulag.

Salmo 2:9

Babarion mo sinda sa paagi nin sarong sugkod na lansang; roronoton mo sinda siring sa sarong koron.”

Isaias 27:11

Aralang asin barari na an mga sanga kan mga kahoy; pinoporot sinda kan mga babae tanganing igatong. Huli ta mayo nin pakasabot an mga tawong ini, dai sinda maheherakan kan Dios na naglalang sainda; dai sinda pahihilingan nin pagkaherak.

Jeremias 15:5

Nagtataram an Kagurangnan, “Siisay an maheherak saindo, mga taga Jerusalem, asin siisay an magmomondo huli kan nangyari saindo? Siisay an maontok maski sa kadikit na panahon tangani sanang maghapot kan saindong kamugtakan?

Jeremias 15:6

Isinikwal nindo ako; nagtalikod kamo sako. Kaya ibinikyaw ko an sakong kamot saka rinonot ko kamo huli ta dai ko na mapugolan an kaanggotan ko.

Jeremias 16:5

“Kaipuhan na dai ka maglaog sa sarong harong na igwa nin nagtatangis. Dai ka magmondo para sa kiisay man. Hinale ko na sa sakong banwaan an sakong katoninongan, an danay kong pagkamoot saka pagkaherak.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 25:16

Pag-inom ninda, masayasay sinda saka mabubua huli kan gera na ipapadara ko sainda.”

Jeremias 47:3

Madadangog ninda an tanog kan nagdadalagan na mga kabayo, an kinadalkadal kan mga karwahe, an rinagot kan mga rweda. Dai na babalikan kan mga ama an saindang mga aki; luluyahon an saindang mga kamot.

Jeremias 48:12

“Kaya maabot an panahon na mapadara ako nin mga tawo tanganing iula an Moab arog sa arak. Hahaleon ninda an nasa laog kan lalagan nin arak saka papasaon ninda ini.

Jeremias 6:21

Kaya bubugtakan ko nin mga singkogan an banwaan na ini tanganing magkadarapa sinda. Magagadan an mga ama saka mga aking lalaki; siring man an mga magkatood saka mga magkanatad.”

Mga Panambitan 2:21

Nahuhutad sa mga tinampo an bangkay kan mga hoben saka mga gurang; mga hoben na lalaki asin babae nagkagaradan sa espada kan mga kaiwal; mayo nin pagkaherak na ginadan mo sinda sa aldaw nin saimong kaanggotan.

Ezekiel 24:14

Ako, an Kagurangnan, an nagtaram. Uminabot na an panahon na dapat akong maghiro. Dai ko paliligtason an saimong mga kasalan; mayo ako nin paliligtason o maheherakan. Papadusahan taka huli kan saimong mga ginibo.” An Kagurangnan Dios an nagtaram.

Ezekiel 7:3

“Israel, nag-abot na an kataposan mo. Mamamatean mo an sakuyang kaanggotan; huhukoman taka sosog sa saimong mga ginibo, asin papadusahan taka huli kan saimong makauuyam na mga gawe.

Ezekiel 7:4

Dai taka papaligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan.”

Ezekiel 7:9

Dai taka paliligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan, asin ako an nagpapadusa saimo.”

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Ezekiel 9:10

Alagad dai ko sinda paliligtason o maheherakan; gigibohon ko sainda an ginibo ninda sa iba.”

Ezekiel 9:5

Dangan sinabihan nin Dios an iba pang mga lalaki, “Magsunod kamo saiya sa paglibot sa syudad dangan manggadan kamo. Dai nindo pagpaligtason an siisay man; dai kamo maherak sa kiisay man.

Oseas 2:4

Dai ko maheherakan an saiyang kaakian; mga aki sinda nin sarong mayong sopog na maraot na babae. Siya man sana an nagsabing, “Maduman ako sa mga lalaking namomoot sako—tinatawan ninda ako nin pagkakan saka tubig, telang lana asin lino, lana nin oliba saka arak.”

Zacarias 11:6

Nagtaram an Kagurangnan, “Dai na ako maheherak sa kiisay man sa kinaban. Ako mismo an mabugtak kan gabos na banwaan sa kapangyarihan kan saindang mga pamayo. An mga pamayong ini an maraot kan kinaban, asin dai ko iyan ililigtas sa saindang kapangyarihan.”)

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Markos 13:12

Ipapagadan kan mga tawo an sadiri man sana nindang tugang; an mga ama iyo man an gigibohon sa mga aki; tutumangan kan mga aki an saindang mga magurang asin ipapagadan.

Deuteronomio 29:20

An siring na tawo dai nanggad papatawadon nin Kagurangnan; maglalaad laban sa saiya an bilog na kaanggotan saka pagkamaimon nin Kagurangnan, asin mapapasaiya an gabos na maldisyon na nasusurat sa librong ini, sagkod na mapara an saiyang ngaran sa ibabaw nin daga.

1 Samuel 14:16

Nahiling kan mga tawohan ni Saul na nagbabantay sa Gibea sa teritoryo ni Benjamin an mayong direksyon na pagdalagan kan mga Filisteo.