Jeremias 13:11 - Marahay na Bareta Biblia

¹¹ Siring kan habay na minahusto sa habayan, binoot kong maigot na mamugol sako an mga taga Israel saka an mga taga Juda. Ginibo ko ini tanganing sinda magin sakong banwaan saka magdara sinda nin kaomawan asin kamurawayan sa sakong ngaran; alagad habo ninda akong kuyogon.”

Jeremias 13:11 ပူးပေါင်းရင်းမြစ်များ

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 147:20

Dai niya iyan ginigibo sa ibang nasyon; an mga ini mayo nin pakaisi kan saiyang kabotan. Omawon an Kagurangnan!

Salmo 81:11

“Alagad habong magdangog sako an sakong banwaan; habo akong kuyogon nin Israel.

Isaias 43:21

Sinda an banwaan na ginibo ko para sako, asin mag-aawit sinda sako nin mga pag-omaw!”

Isaias 62:12

Aapodon kang “An Banal na Banwaan nin Dios,” “An Banwaan na Ilinigtas nin Kagurangnan.” An Jerusalem aapodon “An Syudad na Namomotan nin Dios,” “An Syudad na Dai Pinabayaan nin Dios.”

Jeremias 13:1

Tinaraman ako nin Kagurangnan na maglakaw saka magbakal nin habay na lino, dangan ihagkos ko iyan, alagad tinaraman niya ako na dai ko iyan pagdumogon.

Jeremias 13:10

An mga maraot na tawong ini habong magkuyog sako. Orog sindang nagmatagas saka orog na nagin maraot. Nagsamba sinda saka naglingkod sa mga dios-dios. Kaya makakaarog sinda sa habay na mayo na nin pakinabang.

Jeremias 13:12

Tinaraman ako nin Kagurangnan Dios, “Jeremias, sabihan mo an banwaan nin Israel na an lambang tapayan dapat na panoon nin arak. Masimbag sindang aram ninda na an lambang tapayan para sa arak dapat panoon nin arak.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 32:20

Naggibo ka nin mga tanda saka ngangalasan sa daga nin Egipto, asin sagkod ngunyan padagos kang naggigibo kaiyan sa Israel saka sa ibang mga nasyon, kaya midbid ka na ngunyan maski saen.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Jeremias 6:17

An Kagurangnan nagbugtak sa Israel nin mga bantay na saiyang tinaraman, “Dangogon nindo an tanog kan trompeta!” Alagad nagsabi sinda, “Dai mi iyan dadangogon.”

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:23

Alagad ipinagboot ko sainda na kuyogon ako, tanganing ako an magin Dios ninda asin sinda an magin banwaan ko. Tinaraman ko sinda na mamuhay sosog sa ipinagboot ko, tanganing mapakarhay sinda.

Jeremias 7:24

Alagad dai sinda nagkuyog; dai ninda ako dinangog. Ginibo ninda an lambang ipinapagibo sainda kan matagas saka maraot nindang puso. Orog sindang nagin maraot embes na nagin marahay.

Jeremias 7:26

Alagad mayo nin nagdangog ni nagpahalaga kan sakong tataramon. Orog na nagin matagas an saindang payo asin mas rebelde pa kamo ki sa saindong mga ginikanan.

Amos 3:1

Banwaan nin Israel, dangoga an mensaheng ini na itinaram nin Kagurangnan laban saindo, an nasyon na ilinuwas niya hale sa Egipto:

Lukas 10:11

‘Maski an alpog digdi sa saindong banwaan na nakadukot sa samong mga bitis, pinapagpag mi bilang patanid saindo. Alagad saboton nindo ini: harani na an Kahadean nin Dios!’

Deuteronomio 26:18

Ngunyan na aldaw inako kamo nin Kagurangnan bilang saiyang sadiring banwaan siring sa saiyang ipinanuga saindo. Ipinagboboot niya na kuyogon nindo an gabos niyang togon,

Deuteronomio 26:19

tanganing gibohon niya kamong pinakadakula sa gabos na nasyon na saiyang linalang, asin magdadara kamo nin kaomawan saka onra sa saiyang ngaran. Kamo an magigin sadiring banwaan nin Kagurangnan na saindong Dios siring sa saiyang ipinanuga.”

Deuteronomio 4:7

“Arin na mapangyaring nasyon an igwa nin dios na harani saiya, arog sa Kagurangnan na satong Dios, na harani nin marahay sa sato, kun minaapod kita saiya?

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.