Jeremias 13:10 - Marahay na Bareta Biblia

¹⁰ An mga maraot na tawong ini habong magkuyog sako. Orog sindang nagmatagas saka orog na nagin maraot. Nagsamba sinda saka naglingkod sa mga dios-dios. Kaya makakaarog sinda sa habay na mayo na nin pakinabang.

Jeremias 13:10 ပူးပေါင်းရင်းမြစ်များ

Salmo 78:8

asin tanganing dai sinda makaarog sa saindang mga ginikanan, na sarong matumang asin bakong makinuyog na banwaan; banwaan na bakong masarig an pagtubod sa Dios asin dai nagdanay na maimbod sa saiya.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Jeremias 11:10

Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 11:18

Ipinaaram sako kan Kagurangnan an mga plano laban sako na ginigibo kan sakong mga kaiwal.

Jeremias 13:7

Kaya nagbalik ako sa Eufrates, dangan kan makua ko an lugar na pinagtagoan ko kan habay, nahiling ko na raot na an habay saka dai na pwedeng pakinabangan.

Jeremias 16:12

Alagad mas maraot an ginibo nindo ki sa ginibo kan saindong mga ginikanan. Kamo gabos matatagas an payo asin mararaot. Dai kamo nagkukuyog sako.

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 20:4

An Kagurangnan mismo nagtaram, ‘Gigibohon takang katakotan kan saimong sadiri asin kan saimong mga katood. Mahihiling mo an pagkagadan ninda sa paagi nin espada kan mga kaiwal. Ipapairarom ko an gabos na taga Juda sa kapangyarihan kan hade nin Babilonia; dadarahon kaini an iba bilang mga bihag sa saiyang daga asin an iba gagadanon niya.

Jeremias 22:21

Nagtaram saindo an Kagurangnan kan mauswag pa an saindong pamumuhay, alagad habo kamong maghinanyog. Iyo na iyan an gibo nindo poon kan kamo aki pa; dai nanggad kamo nagkuyog sa Kagurangnan.

Jeremias 23:17

Sa mga tawong habong maghinanyog kan sakong tataramon, danay na sinasabi ninda na marahay an mangyayari sa sainda. Sa mga matagas an payo sinasabi ninda na mayong maraot na mangyayari sa sainda.”

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 44:16

“Dai mi hihinanyogon an sinasabi mo samo sa ngaran nin Kagurangnan.

Jeremias 44:5

Alagad dai kamo naghinanyog ni nagkuyog. Dai nindo tinalikodan an saindong maraot na gawe nin pagdolot sa mga dios-dios.

Jeremias 5:23

Alagad kamo, mga matagas an saindong mga payo saka mga rebelde kamo; tinalikodan nindo ako saka binayaan.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Jeremias 7:6

Dai na nindo pag-apihon an mga dayuhan, mga ilo, saka mga babaeng balo. Mag-ontok na kamo sa paggadan kan mga mayong sala sa dagang ini. Mag-ontok na kamo sa pagsamba sa mga dios-dios, huli ta mapapahamak kamo.

Jeremias 8:5

Banwaan ko, tadaw ta minatalikod kamo sako dangan dai na minabalik? Namugol kamo sa saindong mga dios-dios asin habo kamong magbalik sako.

Jeremias 9:13

Nagsimbag an Kagurangnan, “Nangyari ini huli ta tinalikodan kan sakong banwaan an katukdoan na itinao ko sainda. Dai sinda nagkuyog sako ni naggibo kan itinaram ko sainda.

Jeremias 9:14

Embes kaiyan, nagmatagas sinda saka nagsamba kan mga ladawan ni Baal arog kan itinukdo sainda kan saindang mga ama.

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Mga Bilang 14:11

Tinaraman nin Kagurangnan si Moises, “Sagkod nuarin ako isisikwal kan mga tawong ini? Sagkod nuarin sinda dai matubod sako minsan pinahilingan ko na sinda nin mga milagro?

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?