Jeremias 12:6 - Marahay na Bareta Biblia

⁶ Pinasaluib ka maski kan mga tugang mong lalaki, na mga kaayon kan sadiri mong pamilya; kaiba sinda kan mga nagtataram tumang saimo. Dai ka magtubod sainda, maski magagayon an mga tinataram ninda.”

Jeremias 12:6 ပူးပေါင်းရင်းမြစ်များ

An Libro ni Job 6:15

Alagad dinaya nindo ako mga tugang, kamo na siring sa mga sapa na minamara kun mayo nin uran;

Salmo 12:2

An lambang saro nagpuputik sa saiyang kapwa; an saindang dila asin puso pano nin kaputikan.

Salmo 12:3

Paontoka an mga dilang putikon, Kagurangnan! Serahan mo an mga ngosong mapaabaw-abaw,

Salmo 69:8

Ako nagin dayuhan sa sakuyang mga tugang, dayuhan sa mga aki nin sakuyang ina.

Mga Talinhaga 23:8

Isusuka mo an saimong kinakan, asin masasayang an magagayon mong tataramon.

Mga Talinhaga 26:25

Marahay iyan pagdangogon alagad dai ka magtubod saiya, huli ta an puso niya pano nin kaanggotan.

Isaias 31:4

Sinabihan ako nin Kagurangnan, “Maski gurano kakosog an kurahaw kan mga pastor, dai ninda mapapatakot an sarong leon tanganing bayaan an hayop na ginadan kaiyan; siring man, mayo nin makakapahale sako, an Kagurangnan nin mga hukbo, sa pagsurog sa Bukid nin Sion.

Jeremias 11:19

Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Jeremias 11:21

Boot akong ipagadan kan mga lalaking taga Anatot, asin sinabihan ninda ako na gagadanon ako ninda kun ipadagos ko an pagpahayag kan mensahe nin Kagurangnan.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 9:2

Kun sa desyerto may lugar pa sana akong maeerokan tanganing makaharayo ako sa sakong banwaan! Gabos sinda bakong maimbod, sarong grupo sinda nin mga parapasaluib.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Jeremias 9:4

An lambang saro dapat na mag-ingat sa saiyang katood, saka dai siya manarig maski sa saiyang tugang; huli ta an lambang tugang madaya arog ki Jacob, saka an lambang saro nagbabalobagi laban sa saiyang katood.

Jeremias 9:5

An gabos nandadaya sa katood niya, mayong nagtataram nin katotoohan; tinukdoan ninda an saindang dila na magtaram nin kaputikan asin dai sinda maontok sa paggibo nin kasalan.

Mateo 10:21

“An tugang ipapagadan kan saiyang tugang. An aki ipapagadan kan saiyang ama; tutumangan kan mga aki an mga magurang ninda asin ipapagadan.

Markos 12:12

Hiningowa nindang dakopon si Jesus huli ta nasabotan ninda na sinda an pinapanongdan kan parabolang inosipon niya. Alagad takot sinda sa mga tawo, kaya binayaan ninda si Jesus saka nagharale.

Juan 7:5

(Huli ta maski an mga tugang niya dai nagtutubod saiya.)

Mga Gibo 16:22

Pinagsururogan kan mga tawo si Pablo asin si Silas. Ginisi kan mga opisyal an mga gubing ni Pablo asin ni Silas dangan ipinahampak an mga ini.

Mga Gibo 18:12

Alagad kan si Galion na an gobernador sa Grecia, nagkasararo an mga Judio tumang ki Pablo. Dinakop ninda siya, dinara sa hukoman