Jeremias 12:2 - Marahay na Bareta Biblia

² Itinatanom mo sinda, dangan minagamot sinda, nagtatalubo saka nagbubunga. Magagayon an sinasabi ninda manongod saimo, alagad mayo sinda nin pagmakulog saimo.

Jeremias 12:2 ပူးပေါင်းရင်းမြစ်များ

An Libro ni Job 24:12

Hale sa mga syudad, nag-aagrangay an mga nalugadan asin naghihingagdan, alagad dai dinadangog nin Dios an saindang mga pamibi.

An Libro ni Job 5:3

Nahiling ko an lolong na nagigin masarig, alagad tolos kong minaldisyon an saiyang pinag-eerokan.

Salmo 37:35

Nakahiling ako nin maraot na tawo na sarong tirano; luminangkaw siya siring sa sedro nin Lebanon.

Isaias 29:13

Nagtaram an Kagurangnan, “An mga tawong ini nagsasabi na nagdodolok sinda sako asin inoomaw ninda ako, alagad an saindang puso harayo sako. An relihiyon ninda gabos sana mga pagsusundon saka mga tradisyon nin tawo na tinoom ninda.

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 3:10

Pagkatapos kan gabos na ini, an Juda, an bakong maimbod na tugang nin Israel, nagsagin-sagin na nagbalik sako alagad bakong tudok sa puso an saiyang pagbalik. Ako, an Kagurangnan, an nagtaram.”

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Ezekiel 33:31

Kaya nagtitiripon sa pagdangog saimo an sakong banwaan, alagad dai ninda gigibohon an ipinapagibo mo. Oomawon ninda an saimong itinataram, alagad magpapadagos sinda sa saindang kapasloan.

Oseas 7:14

Bakong tudok sa puso an pagpamibi ninda sako, kundi minadarapa saka minaharayo sinda arog kan ginigibo kan mga pagano. Kun namimibi sinda para sa trigo saka arak, linulugad ninda an saindang sadiri siring sa mga pagano. Mga rebelde nanggad sinda!

Habakkuk 1:13

Alagad paano mo natatagalan an mga mapasaluib saka maraot na lalaking ini? An saimong mga mata banal nin marahay kaya habo mong maghiling kan karatan, asin dai mo matatagalan na hilingon an mga tawong naggigibo nin maraot. Kaya tano ta mayo kang girong mantang ginagadan ninda an mga tawong orog pang matanos ki sa sainda?

Mateo 15:8

‘Inoomaw ako kan mga tawong ini kan saindang ngoso, alagad harayo sako an saindang mga puso.

Markos 7:6

Nagsimbag si Jesus, “Tama nanggad an sinabi ni Propeta Isaias dapit saindong mga parasagin-sagin kan isinurat niya ini: ‘Inoomaw ako kan mga tawong ini kan saindang ngoso, alagad harayo sako an saindang puso.

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.