Jeremias 12:15 - Marahay na Bareta Biblia

¹⁵ Alagad pakatapos na haleon ko sinda, maheherakan ko giraray sinda; ibabalik ko an lambang nasyon sa sadiri niyang pamana saka daga.

Jeremias 12:15 ပူးပေါင်းရင်းမြစ်များ

Jeremias 16:15

Embes kaiyan, manunumpa sinda huli sako bilang buhay na Dios na nagluwas sa banwaan nin Israel hale sa sarong daga sa amihan, asin hale sa gabos na nasyon na winarakan ko sainda. Ibabalik ko sinda giraray sa sadiri nindang daga, na itinao ko sa saindang mga ginikanan. Ako, an Kagurangnan, an nagtaram.”

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 29:14

Makukua nanggad nindo ako, asin ibabalik ko saindo an saindong mga kayamanan. Titiponon ko kamo hale sa gabos na nasyon saka mga lugar na inalawan ko saindo, dangan ibabalik sa lugar na pinaghalean nindo bago kamo itinapok. Ako, an Kagurangnan, an nagtaram.’

Jeremias 3:12

Tinaraman niya ako na magduman sa Israel saka magsabi, “Bakong maimbod na Israel, magbalik ka sako. Dai taka aanggotan huli ta maheherakon ako. Dai ako maaanggot saimo sagkod pa man.

Jeremias 3:17

Sa panahon na iyan, aapodon an Jerusalem na ‘An Trono nin Kagurangnan,’ asin an gabos na nasyon matiripon duman sa pagsamba sako. Dai na ninda susunodon an ipinapagibo sainda kan matagas saka maraot nindang mga puso.

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Jeremias 48:47

Alagad maabot an panahon na an Moab papauswagon giraray nin Kagurangnan. Ini gabos an itinaram nin Kagurangnan na mangyayari sa Moab.

Jeremias 49:39

Alagad maabot an panahon na papauswagon ko giraray an Elam. Ako, an Kagurangnan, an nagtaram.”

Jeremias 49:6

“Alagad pakalihis kaini, papauswagon ko giraray an Ammon. Ako, an Kagurangnan, an nagtaram.”

Daniel 11:4

Alagad sa panahon nin kakosogan kan saiyang imperyo, mababanga iyan sa apat. An mga hade na bako niyang kapagarakian iyo an maghahade sa saiyang lugar, alagad dai sinda magigin mapangyari siring sa saiya.

Amos 9:14

Ibabalik ko an sakong banwaan sa saindang daga. Hihirahayon ninda an nagkararaot nindang syudad asin mag-eerok sinda duman; matanom sinda nin mga ubas asin iinomon ninda an arak; matanom sinda sa mga tatamnan patin makakan kan bunga kaiyan.

Mga Bilang 32:18

Dai kami mapuli sa samong mga harong sagkod na dai pa nasasadirihan kan kapwa mi Israelita an dagang kahirasan ninda.

Mga Gibo 15:16

‘Pakatapos kaini, mabalik ako; papatindogon ko giraray an harong ni David na nagaba; hihirahayon ko an naraot na iyan, dangan papatindogon ko liwat,

Deuteronomio 3:20

Tabangan nindo an saindong kapwa Israelita sagkod na masakop ninda an daga na itinatao sainda nin Kagurangnan duman sa solnopan kan Jordan, asin sagkod na tugotan sinda nin Kagurangnan na mag-erok duman nin matoninong, arog kan ginibo niya digdi para saindo. Pakatapos, magpuli na kamo digdi sa daga na itinao ko saindo.’

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.