Jeremias 12:12 - Marahay na Bareta Biblia

¹² Hale sa gabos na kalangkawan nin desyerto nag-abot an mga lalaking mananamsam. Nagpadara ako nin gera tanganing raoton an bilog na daga; mayong makakapamuhay na matoninong.

Jeremias 12:12 ပူးပေါင်းရင်းမြစ်များ

Isaias 34:6

An saiyang espada mapapano kan saindang dugo saka taba, arog kan dugo saka taba nin mga kordero asin mga kanding na idinodolot. Idodolot nin Kagurangnan an sakripisyong ini sa syudad nin Bozra; gigibohon niya ining sarong dakulang panggagadan sa daga nin Edom.

Isaias 57:21

Mayo nin kaligtasan para sa mga parakasala,” an sabi kan Kagurangnan.

Jeremias 15:2

Kun hapoton ka ninda kun saen sinda dapat mapaduman, sabihan mo sinda na nagtaram akong: An iba sainda itinalaan nang magadan sa helang— iyan an saindang padudumanan! An iba sainda itinalaan nang magadan sa gera— iyan an saindang padudumanan! An iba sainda itinalaan nang magadan sa gutom— iyan an saindang padudumanan! An iba sainda itinalaan sa pagkabihag— iyan an saindang padudumanan!

Jeremias 16:5

“Kaipuhan na dai ka maglaog sa sarong harong na igwa nin nagtatangis. Dai ka magmondo para sa kiisay man. Hinale ko na sa sakong banwaan an sakong katoninongan, an danay kong pagkamoot saka pagkaherak.

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 3:2

Hilinga an alitoktok kan mga bulod. Igwa daw nin lugar duman na dai mo dinigtaan? Naghalat ka nin mga lalaki sa gilid kan tinampo, arog kan Arab na naghihipa nin mga mabibiktima sa kalangtadan. Dinigtaan mo an daga huli kan saimong karigsokan.

Jeremias 3:21

May nadangog na ribok sa mga alitoktok kan kabubuldan: iyan mga paghibi saka pagtangis kan banwaan nin Israel, huli ta namuhay sinda sa karatan asin an Kagurangnan na saindang Dios saindang nalingawan.

Jeremias 30:5

“Nadangog ko an kurahaw nin pagkataranta, an kurahaw nin pagkatakot asin bakong katoninongan.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Jeremias 4:27

Nagtaram an Kagurangnan na an bilog na daga magigin sarong kalangtadan, alagad dai niya iyan raraoton nanggad.)

Jeremias 46:10

An aldaw na iyan iyo an aldaw kan Kagurangnan Dios nin mga hukbo: an aldaw nin pagbalos niya sa saiyang mga kaiwal. An espada niya makakan sagkod na mabasog, saka iinomon kaini an saindang dugo. Huli ta idinodolot nin Kagurangnan Dios nin mga hukbo an saiyang mga ginadan sa amihan, sa may Salog nin Eufrates.

Jeremias 47:6

Nagkukurahaw kamo, ‘Espada kan Kagurangnan; sagkod nuarin ka manlulugad? Maglaog ka sa saimong sarongan, mag-ontok ka saka magpahingalo!’

Jeremias 48:2

mayo na an kabantogan nin Moab. Sinakop na kan kaiwal an Hesbon saka iniisip nindang raoton an nasyon nin Moab. Papaalohon an banwa nin mga tawong rungaw; sasalakayon iyan kan mga soldados.

Jeremias 8:15

Naghanap kita nin katoninongan, alagad mayo nin nangyari, asin nin aldaw nin pagpaomay, alagad an nag-abot katakotan.

Mga Panambitan 3:17

An sakong kalag mayo nin katoninongan; lingaw ko na kun ano an kaogmahan.

Ezekiel 14:17

“Pwede man na darahan ko nin gera an dagang idto asin magpadara nin nakakaraot na armas na magadan kan mga tawo saka mga hayop.

Ezekiel 21:28

“Aki nin tawo, magpropesiya ka asin ipahayag mo an itinataram ko, an Kagurangnan Dios, sa mga Ammonita, na nagtutuyatuya sa Israel. Sabihan mo sinda: Sarong espada an hinugkot tanganing manggadan. Pinakintab iyan tanganing ipanggadan, asin tanganing magsilyab arog sa kikilat.

Ezekiel 21:4

Gagamiton ko an sakong espada laban sa kiisay man, magpoon sa amihan sagkod sa habagat.

Ezekiel 21:8

Nagtaram sako an Kagurangnan,

Ezekiel 21:9

“Aki nin tawo, magpropesiya ka asin sabihan mo an mga tawo kan itinataram ko, an Kagurangnan: Sarong espada, sarong espada an pinatarom asin pinakintab.

Ezekiel 5:2

An saro sa tolong kabtang suloon mo sa tahaw kan syudad kun tapos na an pagsalakay. An ikaduwang kabtang kan buhok purutolon mo kan saimong espada mantang naglilibot ka sa syudad, dangan an ikatolong kabtang kan buhok iwarak mo tanganing ipadpad kan doros asin lalamagon ko iyan kan sakong espada.

Levitico 26:33

Dadarahan ko kamo nin gera, asin iwawarak ko kamo sa mga dayuhan na daga. Mababayaan an sadiri nindong daga dangan magkakagaraba an saindong mga syudad.

Amos 9:4

Maski bihagon sinda kan saindang mga kaiwal, pagbobotan ko an mga ini tanganing gadanon sinda. Desidido na ako na gadanon sinda, bakong tabangan.”

Sofonias 2:12

Gagadanon man nin Kagurangnan an mga taga Etiopia.

Deuteronomio 32:42

Ipapainom ko sa sakong pana an saindang dugo. Kakakanon kan sakong espada an laman kan gabos na minasuhay sako. Mayo akong itatada sa mga minalaban sako; magagadan maski an mga nalugadan asin an mga bilanggo.’

Kapahayagan 6:4

Nagluwas naman an sarong kabayong pula. An nangangabayo tinawan nin kapangyarihan na magdara nin gera sa kinaban tanganing an mga tawo maggaradanan. Tinawan siya nin sarong dakulang espada.