Jeremias 11:7 - Marahay na Bareta Biblia

⁷ Huli ta kan darahon ko an saindang mga ginikanan sa luwas kan Egipto, maigot ko sindang pinatanidan na kuyogon ako, asin padagos na pinapatanidan ko an mga tawo sagkod ngunyan.

Jeremias 11:7 ပူးပေါင်းရင်းမြစ်များ

2 Mga Hade 17:13

An Kagurangnan nagpadara nin mga sugo saka mga propeta tanganing patanidan an Israel asin an Juda: “Talikodan na nindo an saindong mga maraot na gawe. Kuyogon nindo an sakong mga pagboot na nasusurat sa Katogonan na itinao ko sa saindong mga ginikanan, dangan itinao ko man saindo sa paagi kan mga propeta na sakong mga sorogoon.”

2 Mga Cronica 36:15

An Kagurangnan, an Dios kan saindang mga ginikanan, danay na nagsugo nin mga propeta tanganing patanidan sinda, huli ta boot niyang iligtas sinda saka an Templo.

Exodo 15:26

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an Kagurangnan an saindong parabolong.”

Jeremias 11:4

Iyo ini an tipan na ginibo ko sa saindang mga ginikanan kan iluwas ko sinda sa Egipto, an daga na garo sarong nagkakalayong horno sa sainda. Tinaraman ko sinda na kuyogon ninda ako saka gibohon an gabos na pagboot ko. Nagtaram pa ako na kun magkuyog sinda, magigin banwaan ko sinda asin ako an magigin Dios ninda.

Jeremias 25:3

“Sa laog nin beynte y tres na taon, magpoon kan ikatreseng taon kan paghahade sa Juda ni Josias na aking lalaki ni Amon sagkod sa aldaw na ini, nagtaram sako an Kagurangnan, asin dai ako nagpabaya sa pagsabi saindo kan itinaram niya. Alagad dai kamo naghinanyog.

Jeremias 25:4

Habo kamong magdangog ni magkuyog, maski nagpadagos sa pagpadara an Kagurangnan kan saiyang mga sorogoon, an mga propeta.

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 34:14

lambang ikapitong taon tatalingkasan ninda an siisay man na Hebreyong oripon na naglingkod sainda sa laog nin anom na taon. Alagad dai nagkuyog an saindong mga ginikanan ni naghinanyog kan sinabi ko sainda.

Jeremias 35:14

An mga kapagarakian ni Jonadab nagkuyog kan saiyang pagboot na dai mag-inom nin arak, asin sagkod ngunyan mayo sainda nin nag-iinom nin arak. Danay akong nagtaram saindo, alagad dai kamo nagkuyog sako.

Jeremias 35:15

Nagpadagos ako sa pagpadara saindo kan gabos kong sorogoon, an mga propeta, asin tinaraman ninda kamo na talikodan na an saindong mga maraot na gawe saka gibohon an tama. Pinatanidan ninda kamo na dai magsamba saka maglingkod sa mga dios-dios, tanganing padagos kamong mag-erok sa daga na itinao ko saindo asin sa saindong mga ginikanan. Alagad habo kamong maghinanyog sako; dai nindo ako pinahalagahan.

Jeremias 7:13

Ginibo nindo an mga kasalan na ini, asin maski maigot ko kamong kinaolay, dai kamo naghinanyog. Habo kamong magsimbag kan apodon ko kamo.

Oseas 4:1

An Kagurangnan igwa nin reklamo laban sa mga tawo na nag-eerok sa dagang ini. Dangoga, Israel, an sinasabi niya: “Mayo nin kaimbodan o pagkaherak sa daga, asin dai ako inaako kan mga tawo bilang Dios.

Oseas 5:1

“Mga padi, dangoga nindo ini! Paghinanyog kamo, banwaan nin Israel! Paghimate kamo, kamo na kaayon sa pamilya kan hade! Dapat ipinahiling nindo an hustisya sa saindong paghukom—kaya kamo an huhukoman! Nagin sarong siod kamo sa Mizpa, sarong hikot na nabibiklad sa Bukid nin Tabor,

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Efeso 4:17

Sa ngaran nin Kagurangnan, sinasabihan ko kamo: dai na kamo mamuhay arog kan mga pagano na an mga iniisip mayo nin halaga;

Deuteronomio 12:32

“Giboha nindo an gabos na ipinagboboot ko; dai nindo iyan pagdagdagan o pag-inaan nin ano man.

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

Deuteronomio 4:6

Maimbod na otobon nindo iyan, asin iyan an magpapahiling sa ibang nasyon kan saindong kadonongan. Kun madangog ninda an mga togon na ini, masabi sinda, ‘Totoong madonong asin may pakasabot an banwaan na ini!’

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Deuteronomio 8:6

Kaya kuyogon nindo an saiyang mga pagboot: mamuhay kamo sosog sa saiyang mga togon asin matakot kamo saiya.

2 Tesalonica 3:12

Sa ngaran ni Jesu-Cristo na Kagurangnan, pinagbobotan asin pinapatanidan mi an siring na mga tawo na magtrabaho nin marahay saka maghanap kan sadiring ikabubuhay.

1 Samuel 8:9

Kaya dangoga sinda, alagad patanidan mo nanggad sinda asin paliwanagan kun ano an gigibohon sainda kan saindang hade.”