Jeremias 11:5 - Marahay na Bareta Biblia

⁵ Dangan ootobon ko an panuga na ginibo ko sa saindang mga ginikanan, na itatao ko sainda an mayaman saka matubang na daga na ngunyan pagsadiri na ninda.” Nagsimbag ako, “Opo, Kagurangnan.”

Jeremias 11:5 ပူးပေါင်းရင်းမြစ်များ

2 Mga Cronica 6:17

Kaya ngunyan, O Kagurangnan Dios nin Israel, patotoohan mo an saimong itinaram sa sakong ama na si David, na saimong sorogoon.

Salmo 105:8

An saiyang tipan ginigiromdom niya sagkod pa man, an saiyang panuga para sa rinibong henerasyon;

Exodo 13:5

Nanuga an Kagurangnan sa saindong mga ginikanan na itatao niya saindo an daga kan mga Cananeo, Heteo, Amoreo, Heveo asin mga Jebuseo. Kun darahon na niya kamo duman sa dagang mayaman sa gabos na bagay, gibohon nindo ining pyesta sa enot na bulan kan lambang taon.

Jeremias 19:12

Ako nanunuga na iaarog ko sa Tofet an syudad na ini asin an mga nag-eerok digdi.

Jeremias 28:6

“Amen! Gibohon logod iyan nin Kagurangnan; magkatotoo logod an propesiya mo asin ikabalik sa lugar na ini hale sa Babilonia an gabos na kayamanan kan templo asin an gabos na tawong dinara duman bilang mga bihag.

Jeremias 32:22

Itinao mo sainda an mayaman saka matubang na dagang ini, siring kan ipinanuga mo sa saindang mga ginikanan.

Levitico 20:24

Ipinangako ko saindo an mayaman saka matubang na dagang ini na magin sadiri nindo, asin itatao ko iyan saindo. Ako an Kagurangnan na saindong Dios, asin linaen ko kamo sa ibang mga nasyon.

Mateo 6:13

Hare kami pabayae na madaog nin sogot, alagad agawon mo kami sa maraot.’

1 Corinto 14:16

Kun nagpapasalamat ka sa Dios sa espiritu sana, paanong makasimbag nin “Amen” an tawong mayo nin balaog na arog saimo, dahel ta dai niya aram kun ano an sinasabi mo?

Deuteronomio 6:3

Kaya dangoga nindo ini, mga Israelita, asin kuyogon nindo, tanganing mapakarahay kamo asin magdakul duman sa dagang matubang saka mayaman sa gabos na bagay, siring sa ipinanuga nin Kagurangnan, na Dios kan saindong mga ginikanan.