Jeremias 11:19 - Marahay na Bareta Biblia

¹⁹ Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Jeremias 11:19 ပူးပေါင်းရင်းမြစ်များ

An Libro ni Job 28:13

“Dai naaaraman nin tawo an halaga nin kadonongan, asin dai iyan nanunumpongan sa daga kan mga nabubuhay.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Salmo 112:6

An matanos na tawo dai masasala; gigiromdomon siya sagkod pa man.

Salmo 116:9

Kaya naglalakaw ako sa atubang nin Kagurangnan sa daga kan mga nabubuhay.

Salmo 142:5

Minaagrangay ako saimo, Kagurangnan; ika, Kagurangnan, an sakong pailihan, sakong kahirasan sa daga nin mga buhay.

Salmo 27:13

Minatubod akong mahihiling ko an pagkamarahayon nin Kagurangnan sa daga nin mga nabubuhay.

Salmo 31:13

Nadangog ko an hinghing kan kadaklan; nin takot ako napapalibotan. Boronyog na nag-iisip sinda tumang sako, nagpaplano nin paggadan sako.

Salmo 35:15

Alagad kan ako madapa, sinda nag-orogma, sa pag-olog-olog sako nagtiripon sinda. Mga dayuhan naghampak sako, daing ontok na nagpakaraot sako.

Salmo 52:5

Alagad tutunawon ka nin Dios sagkod pa man; kukuahon ka niya asin hahaleon sa saimong erokan; gagaboton ka niya sa daga nin mga nabubuhay.

Salmo 83:4

Olay ninda, “Madya, puhoon ta an saindang nasyon, tanganing an Israel dai na nanggad giromdomon.”

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Mga Talinhaga 24:15

Dai ka mag-arog sa tampalasan na nananalakat nin harong nin matanos asin nananamsam kan saiyang rogaring.

Mga Talinhaga 7:22

Nagsunod tolos siya sa babae arog sa bakang bubunoon, arog sa usa na naglulukso pasiring sa litag,

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Isaias 38:11

Naghona ako na sa daga na ini kan mga nabubuhay dai ko na nanggad mahihiling Kagurangnan o an siisay man na nabubuhay.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 26:8

Pakatapos kong magtaram kan gabos na ipinagboot sako nin Kagurangnan na itaram ko sa mga tawo, tolos akong pinugol ninda saka kinurahawan, “Dapat kang magadan!

Mga Panambitan 3:60

Aram mo kun gurano an pagkaongis sako kan sakong mga kaiwal asin kun paano sinda nagplano laban sako.

Ezekiel 32:24

“Yaon duman an Elam, na napapalibotan kan mga lulubngan kan saiyang mga soldados. Gabos sinda nagadan sa gera, asin naglusad, sinda na bakong diosnon na mga tawo, sa kinaban kan mga gadan. Kan buhay pa sinda, tinakot ninda an daga kan mga nabubuhay, alagad ngunyan dara ninda sa lulubngan an kasosopgan kaiba kan mga nagkagaradan.

Daniel 9:26

Pakatapos kan panahon na ini, mayong katanosan na gagadanon an pamayong pinili nin Dios. Gagabaon kan mapangyaring pamayo kan masalakay na hukbo an syudad saka an Templo. Maabot an kataposan siring sa sarong baha, na magdadara kan gera saka pagkagaba na inandam nin Dios.

Oseas 9:8

Sinugo ako nin Dios bilang propeta tanganing patanidan an saiyang banwaan na Israel. Alagad saen man ako magduman, hiningowa nindong siodon ako siring sa sarong gamgam. Sa sadiring daga nin Dios, an mga tawo kaiwal kan propeta.