Jeremias 11:17 - Marahay na Bareta Biblia

¹⁷ “Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 11:17 ပူးပေါင်းရင်းမြစ်များ

2 Samuel 7:10

Nagpili na ako nin sarong lugar para sa sakong banwaan nin Israel asin pinapag-erok ko na sinda duman, saen dai na sinda aapihon. Kaidto danay na sinasalakay sinda nin mga mariringis na tawo, alagad dai na iyan mangyayari ngunyan. Nanunuga ako na ililigtas taka sa gabos mong kaiwal asin tatawan taka nin mga kapagarakian.

2 Mga Cronica 28:25

Sa lambang syudad saka banwa nin Juda, nagtugdok siya nin paganong mga lugar na pagsasambahan, saen tututongon an mga insenso para sa mga dios-dios. Huli kaini, naanggot saiya an Kagurangnan, an Dios kan saiyang mga ginikanan.

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 80:15

an banwaan na itinanom kan saimong kamot, pinatalubo sagkod na pumusog.

Salmo 80:8

Sarong ubasan kinua mo hale sa Egipto; pinahale mo an mga nasyon asin itinanom idto.

Isaias 5:2

Kinalot niya an daga asin hinale an mga gapo, dangan tinanoman nin mga piling balagon. Nagpatindog siya nin sarong bantayan sa tahaw kaiyan, asin naggibo nin kalot na pagpupugaan kan mga ubas. Naghalat siyang maghinog an mga ubas alagad kan ini mahinog, maalsom an lambang saro.

Isaias 61:3

tanganing tawan an mga nagmomondo sa Sion nin kaogmahan saka kagayagayahan embes na kamondoan, nin sarong awit nin pag-omaw embes na sarong panambitan. Makakaagid sinda sa mga kahoy na itinanom mismo nin Kagurangnan. Gigibohon ninda an tama, asin oomawon an Dios huli kan saiyang ginibohan.

Jeremias 1:14

Nagtaram siya sako, “Hale sa amihan, an karatan mabulos sa gabos na nag-eerok sa dagang ini,

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 11:13

An mga dios-dios kan mga taga Juda arog kadakul kan saindang mga syudad asin an mga altar na itinugdok kan mga nag-eerok sa Jerusalem para sa makauuyam na dios-dios na si Baal arog kadakul kan mga tinampo nin Jerusalem.

Jeremias 12:2

Itinatanom mo sinda, dangan minagamot sinda, nagtatalubo saka nagbubunga. Magagayon an sinasabi ninda manongod saimo, alagad mayo sinda nin pagmakulog saimo.

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Jeremias 18:8

alagad an nasyon na iyan magtalikod sa saiyang kasalan, dai ko idadagos an sinabi kong gigibohon ko.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 2:21

Itinanom taka arog sa sarong piling poon nin ubas na hale sa pinakamarahay na banhi. Tano ta nagin saro kang maraot na tinanom, sarong ubas na mayong halaga?

Jeremias 24:6

Babantayan ko sinda asin ibabalik sa dagang ini. Papatindogon ko sinda asin dai ko rurumpagon; itatanom ko asin dai ko sinda gagaboton.

Jeremias 26:13

Dapat nindong bagohon an saindong mga gawe asin mga gibo, dangan kuyogon nindo an Kagurangnan na saindong Dios. Kun gibohon nindo iyan, babagohon niya an saiyang desisyon manongod sa paggaba na itinaram niyang dadarahon saindo.

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 32:30

Magpoon sa kapinonan pinauyam na ako saka pinaanggot kan mga taga Israel asin taga Juda huli kan saindang mga gibo.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 40:2

Isiniblag ako kan pinakahalangkaw na opisyal saka sinabihan, “An Kagurangnan na saimong Dios nagpatanid nin karatan sa dagang ini,

Jeremias 40:3

asin ngunyan inotob niya an sinabi niya. An gabos na ini nangyari huli ta nagkasala an saimong banwaan tumang sa Kagurangnan saka dai ninda siya sinunod.

Jeremias 42:10

‘Kun magdanay kamo sa dagang ini, papatindogon ko kamo asin dai rurumpagon; itatanom ko kamo asin dai gagaboton. An karatan na dinara ko saindo nagin dahelan kan dakulang kamondoan ko.

Jeremias 44:5

Alagad dai kamo naghinanyog ni nagkuyog. Dai nindo tinalikodan an saindong maraot na gawe nin pagdolot sa mga dios-dios.

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Jeremias 7:18

Nagkukua nin igatong an mga aki, nagmamakot nin kalayo an mga kalalakihan asin nagmamasa nin arina an kababaehan tanganing magluto nin mga tinapay para sa diosang inaapod nindang Reyna nin Langit. Inuula man ninda an mga dolot na inomon para sa ibang dios, tanganing kulogan an boot ko.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Ezekiel 17:5

Dangan nagkua siya nin sarong sadit na tinanom hale sa daga nin Israel asin itinanom sa sarong matubang na daga, na danay na igwa nin tubig.

Oseas 10:1

An Israel nakaagid sa balagon nin ubas na pano nin bunga. Kan magdakul an saiyang bunga, nagdakul man an pinatindog niyang mga altar. Kan mag-orog an bunga kan saiyang daga, orog man na naggayon an ginibo niyang sagradong mga hariging gapo na saiyang sinasamba.