Jeremias 11:15 - Marahay na Bareta Biblia

¹⁵ Nagsasabi an Kagurangnan, “An banwaan na sakong namomotan naggigibo nin mga karatan. Ano an saindang deretso na maglaog sa sakong Templo? Sa paghona daw ninda mapupugol ninda an pag-abot kan kasakitan huli sa paggibo nin mga panuga saka pagdolot nin mga atang na hayop? Dangan makakapag-ogma na daw sinda?

Jeremias 11:15 ပူးပေါင်းရင်းမြစ်များ

Salmo 50:16

Alagad tinataraman nin Dios an tampalasan, “Ano an deretso mo sa pag-ulit-ulit kan sakong mga togon, sa pagsambit kan sakong tipan?

Salmo 60:5

Huli kan saimong kosog, kami saimong ligtasan; simbaga an samong pamibi, tanganing makaligtas an banwaan na saimong namomotan.

Mga Talinhaga 10:23

An paggibo nin maraot kaogmahan nin sarong lolong; alagad an marahay na gawe kaogmahan nin tawong may pakasabot.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 2:14

mga tawong naoogma sa paggibo nin maraot asin naggagayagaya sa bikong gibo,

Mga Talinhaga 21:27

Ikinakauyam nin Kagurangnan an sakripisyo kan tampalasan, orog na kun an katuyohan kaini maraot.

Mga Talinhaga 26:18

An tawong nandadaya dangan minasabing nagsusuba sana siya, nakakaarog sa bua-bua na nagkakawat nin armas na nakakagadan.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Jeremias 12:7

An Kagurangnan nagsasabi, “Binayaan ko an Israel; isinikwal ko an pinili kong nasyon. An mga tawong sakong namomotan itinao ko sa saindang mga kaiwal.

Jeremias 13:27

Nahiling niya na ginigibo mo an mga bagay na kinakaongisan niya. Nahiling niya na nagduduman ka sa kabubuldan asin sa kaomahan sa pagsunod sa mga paganong dios-dios, arog sa sarong lalaki na nagmamawot sa agom kan saiyang kapwa, patin arog sa sarong lalaking kabayo na naghihirihiri kun nahihiling an babaeng kabayo. Herak man saimo, Jerusalem! Nuarin ka magigin malinig nanggad?

Jeremias 15:1

Dangan tinaraman ako nin Kagurangnan, “Maski pa si Moises saka si Samuel an nagtitindog digdi tanganing makimaherak sako, dai ko nanggad pahihilingan nin pagkaherak an mga tawong ini. Pahaleon mo sinda; habo ko sindang mahiling.

Jeremias 2:2

na ipahayag an mensaheng ini sa lambang saro sa Jerusalem. “Nagigiromdoman ko an saimong pagkamaimbod kan ika hoben pa, an saimong pagkamoot sako kan bago kitang kasalon; nagsunod ka sako sa kalangtadan, sa sarong daga na mayo nin maski anong tinanom.

Jeremias 23:11

Nagsasabi an Kagurangnan, “Bakong diosnon an mga propeta asin an mga padi; maski sa sakong Templo nahiling ko an saindang katampalasanan.

Jeremias 3:14

“Bakong maimbod na banwaan, magbalik kamo huli ta ako an saindong Kagurangnan. Makua ako saindo nin saro sa lambang banwa asin duwa sa lambang kamaganakan, dangan ibabalik ko kamo sa Bukid nin Sion.

Jeremias 3:8

Nahiling man kan Juda na sinuhayan ko saka pinahale an Israel huli kan saiyang pagigin bakong maimbod saka pagigin maraot. Alagad dai natakot an Juda, an bakong maimbod na tugang kan Israel. Siya man nagin maraot na babae.

Oseas 3:1

Sinabihan ako nin Kagurangnan, “Lakaw giraray asin pahilingan an saimong pagkamoot sa sarong babaeng nagpapasambay. Kaipuhan na mamotan mo siya siring na namomotan ko pa an banwaan nin Israel, maski nagsasamba na sinda sa mga dios-dios asin namomoot na magdara nin mga dolot na pasas sa mga ladawan.”

Mateo 22:11

“Naglaog an hade tanganing hilingon an mga imbitado. Nahiling niya na may sarong tawo na dai nakasulot nin gubing sa pakikinasal.

Lukas 8:28

Pakahiling ki Jesus, nagkurahaw an lalaki, nagdapa sa atubangan niya asin makosog na nagsabi, “Jesus, Aki nin Kahorohalangkaweng Dios, ano an pakilabot mo sako? Nakikiolay ako saimo, dai mo ako pagpasakitan!”

Roma 11:28

Isinikwal kan mga Judio an Marahay na Bareta, kaya sinda nagin kaiwal nin Dios dahel sa saindo. Alagad namomotan sinda nin Dios huli sa mga ginikanan ninda na pinili niya.

1 Corinto 13:6

Dai iyan naoogma sa karatan, kundi naoogma sa katotoohan.

Tito 1:15

Para sa mga tawong malinig an isip, an gabos malinig; alagad para sa mga maati an isip asin dai nagtutubod, an gabos maati, huli ta nadigtaan an saindang mga isip asin konsyensya.

Santiago 4:16

Alagad nagpapaabaw-abaw kamo ngunyan asin naghahambog; maraot iyan.