Jeremias 11:11 - Marahay na Bareta Biblia

¹¹ Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 11:11 ပူးပေါင်းရင်းမြစ်များ

2 Mga Hade 22:16

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na maldisyon na nasusurat sa libro na binasa kan hade.

2 Mga Cronica 34:24

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na sumpa na nasusurat sa libro na binasa sa atubangan kan hade nin Juda.

An Libro ni Job 35:13

Totoong gayo na dai dinadangog an mayong halagang inagrangay; dai sinda hihilingon ni dadangogon kan Makakamhan na Dios.

Salmo 18:41

Sinda nag-agrangay alagad mayong nagligtas; nag-apod sinda sa Kagurangnan, alagad dai niya sinda sinimbag.

Salmo 66:18

Kun rinimpos ko sana sa puso an sakong mga kasalan, dai kutana ako dinangog nin Kagurangnan.

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Isaias 24:17

Pagdangog kamo sako gabos! Naghahalat sa saindo an mga katakotan, an mga kalot, asin an mga siod.

Jeremias 11:14

Jeremias, dai mo ipagpamibi an mga tawong ini, ni ipakimaherak sinda sako, huli ta dai ko sinda dadangogon kun mag-apod sinda sako sa panahon kan saindang kasakitan.”

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 14:2

“Nagmomondo an Juda, naghihingagdan an saiyang mga syudad, naghihigda sa daga an mga tawo huli sa kamondoan, asin naghahagad nin tabang an Jerusalem.

Jeremias 15:2

Kun hapoton ka ninda kun saen sinda dapat mapaduman, sabihan mo sinda na nagtaram akong: An iba sainda itinalaan nang magadan sa helang— iyan an saindang padudumanan! An iba sainda itinalaan nang magadan sa gera— iyan an saindang padudumanan! An iba sainda itinalaan nang magadan sa gutom— iyan an saindang padudumanan! An iba sainda itinalaan sa pagkabihag— iyan an saindang padudumanan!

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Jeremias 19:15

na an Kagurangnan nin mga hukbo, an Dios nin Israel, nagtaram nin siring, “Dadarahan ko an syudad na ini asin an lambang haraning banwa kan gabos na padusa na ipinahayag kong gigibohon ko, huli ta matagas an saindong mga payo saka habo nindong hinanyogon an mga sinasabi ko.”

Jeremias 19:3

Tinaraman niya ako na magsabi, “Hinanyoga nindo, mga hade nin Juda asin mga taga Jerusalem, an sasabihon ko, an Kagurangnan nin mga hukbo, an Dios nin Israel. Dadarahan ko nin kasakitan an lugar na ini, asin mabibigla an gabos na makakadangog kaini.

Jeremias 23:12

Kaya an mga dalan na saindang linalakawan magigin mahalnas saka madiklom; magkakasiringkog sinda saka magkakaturumba. Papadarahan ko sinda nin kasakitan; an oras nin pagpadusa sainda nagdadangadang na. Ako, an Kagurangnan, an nagtaram.

Jeremias 25:35

Mayo na nin paagi tanganing makadulag kamo.

Jeremias 35:17

Kaya ako, an Kagurangnan nin mga hukbo, an Dios nin Israel, mapadara saindo, mga taga Juda saka mga taga Jerusalem, kan gabos na karatan na ipinanuga ko. Gigibohon ko ini huli ta habo kamong maghinanyog kan magtaram ako saindo, asin huli ta habo kamong magsimbag kan apodon ko kamo.”

Jeremias 36:31

Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Jeremias 6:19

Paghinanyog, kinaban! An mga tawong ini dadarahan ko nin karatan, na bunga kan saindang mga plano; huli ta dai ninda dinangog an sakong mga tataramon asin isinikwal ninda an sakong katogonan.

Mga Panambitan 2:22

Inalok mo an mga kaiwal ko na magselebrar nin sarong pyesta nin takot sa palibot ko. Sa aldaw nin saimong kaanggotan, mayo nin nakadulag o natadang buhay. Ginadan ninda an sakong mga aki, na sakong pinadakula asin namotan.

Ezekiel 14:3

“Aki nin tawo, idinusay kan mga lalaking ini an saindang puso sa mga dios-dios, asin tinutugotan ninda an mga ini na darahon sinda sa kasalan. Naghohona daw sinda na sisimbagon ko sinda?

Ezekiel 7:5

Iyo ini an tataramon nin Kagurangnan Dios: “Sunod-sunod na kasakitan an maabot saimo.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.