Jeremias 11:10 - Marahay na Bareta Biblia

¹⁰ Binalikan ninda an mga kasalan kan saindang mga ginikanan, na habong maghinanyog kan sakong mga tataramon; nagsamba sinda sa ibang mga dios. Linapas kan Israel saka kan Juda an tipan na ginibo ko sa saindang mga ginikanan.

Jeremias 11:10 ပူးပေါင်းရင်းမြစ်များ

Salmo 78:57

kundi nagtumang sinda asin dai nagin maimbod siring kan saindang mga magurang; dai sinda masasarigan siring sa tikong pana.

Isaias 24:5

Dinigtaan kan mga tawo an daga sa paglapas kan mga togon nin Dios asin sa paglapas kan tipan na daing kasagkoran.

Jeremias 13:10

An mga maraot na tawong ini habong magkuyog sako. Orog sindang nagmatagas saka orog na nagin maraot. Nagsamba sinda saka naglingkod sa mga dios-dios. Kaya makakaarog sinda sa habay na mayo na nin pakinabang.

Jeremias 17:23

An saindang mga ginikanan dai naghinanyog sako ni nagkuyog. Nagin matagas an saindang payo; habo nindang magdangog o magpatukdo sako.

Jeremias 22:9

Dangan masirimbag sinda, ‘Huli ta tinalikodan ninda an tipan nin Kagurangnan na saindang Dios, asin sinamba ninda saka pinaglingkodan an ibang mga dios.’”

Jeremias 31:32

Bako iyan arog kan tipan na ginibo ko sa saindang mga ginikanan kan kabiton ko sinda saka giyahan paluwas sa Egipto. Maski ako nagin arog sa sarong agom na lalaki sa sainda, dai ninda kinuyog an tipan na idto.

Jeremias 44:16

“Dai mi hihinanyogon an sinasabi mo samo sa ngaran nin Kagurangnan.

Jeremias 44:5

Alagad dai kamo naghinanyog ni nagkuyog. Dai nindo tinalikodan an saindong maraot na gawe nin pagdolot sa mga dios-dios.

Jeremias 7:28

Sasabihan mo sinda na an nasyon ninda dai minakuyog sako, an saindang Kagurangnan Dios, ni minaako nin pagsagwe. Mayo na sa sainda an katotoohan; dai na ngani ninda ini nasasambit.

Jeremias 9:6

Sunod-sunod na kadahasan an ginigibo ninda, asin an gibo nindang pandadaya mayo nin kataposan. An Kagurangnan nagsasabi na isinisikwal siya kan saiyang banwaan.

Ezekiel 16:59

Ini an tataramon kan Kagurangnan Dios, “Gigibohon ko saimo an maninigo sa mga ginibo mo, huli ta dai mo pinahalagahan an saimong mga panuga asin tinalikodan mo an tipan.

Ezekiel 44:7

Dinigtaan ninda an sakong Templo huli ta an bakong sirkomsisyonadong mga dayuhan, mga tawong dai nagsusunod sako, tinugotan nindang maglaog diyan, mantang idinodolot sako an taba saka an dugo kan mga hayop na isinakripisyo. Kaya an sakong tipan linapas kan sakong banwaan huli kan makauuyam na mga bagay na ginibo ninda.

Ezekiel 5:6

Alagad nagrebelde an Jerusalem tumang sa sakong mga togon asin nagpahiling na orog siyang masombikal ki sa mga nasyon sa palibot niya. Isinikwal kan Jerusalem an sakuyang mga togon asin dai kinuyog an sakong mga pagboot.

Oseas 6:4

Alagad nagsasabi an Kagurangnan, “Ano an gigibohon ko saimo Israel? Ano an gigibohon ko saimo Juda? Hidali sanang nawawara an saindong pagkamoot sako arog kan alopoop sa pagkaaga; nakakaagid iyan sa ambon na nawawara amay pa an aldaw.

Oseas 6:7

“Alagad pakalaog ninda sa daga duman sa Adan, linapas tolos ninda an tipan.

Oseas 7:16

Padagos sinda sa pagtalikod sako asin minaduman sinda sa sarong dios-dios na mayong kapangyarihan. Dai sinda malalaoman siring sa sarong tiko na pana. Magagadan sinda sa espada huli kan kapalangkawan kan saindang mga lider, asin ngingisihan sinda kan mga taga Egipto.”

Levitico 26:15

Kun sayumahan nindo an sakuyang mga togon asin kaongisan nindo an sakuyang mga pagboot saka talikodan an sakong tipan,

Sofonias 1:6

Pupuhoon ko an mga nagtalikod asin dai na nagsusunod sako; an mga dai na nagdodolok sako o nakikimaherak na giyahan ko sinda.”

Zacarias 1:4

Dai kamo mag-arog sa saindong mga ginikanan. Haloy nang panahon an nag-agi kan itao sainda kan mga propeta an sakong mensahe, na magbakle na sinda sa maraot nindang pamumuhay. Alagad dai sinda nagdangog o nagkuyog sako.

Zacarias 7:11

“Alagad habo sindang maghinanyog. Sinerahan ninda an saindang mga isip

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Deuteronomio 9:7

“Giromdoma nindo kun paano nindo pinaanggot an Kagurangnan na saindong Dios duman sa kalangtadan. Tinumangan nindo siya poon na maghale kamo sa Egipto sagkod na makaabot digdi.

Hebreyo 8:9

Bako iyan arog kan tipan na ginibo ko sa saindang mga ginikanan kan aldaw na kabiton ko sinda paluwas sa daga nin Egipto. Dai sinda nagin maimbod sa tipan na ginibo ko sainda, kaya pinabayaan ko sinda.

Hukom 2:11

Dangan nagkasala sa Kagurangnan an banwaan nin Israel asin nagpoon sindang magsamba sa mga Baal.

Hukom 2:17

Alagad dai ninda dinangog an saindang mga hukom. Dai sinda nagmaimbod sa Kagurangnan; nagsamba sinda sa ibang dios. Dai sinda nagsunod sa mga ipinagboot nin Kagurangnan, bakong arog kan saindang mga magurang.

Hukom 2:19

Alagad sa oras na magadan an hukom, minabalik an mga tawo sa dati nindang gibo, asin an bagong henerasyon nagigin orog na maraot ki sa saindang mga magurang. Minalingkod sinda asin minasamba sa ibang mga dios; habo nindang bayaan an mga maraot nindang gibo.

1 Samuel 15:11

“Nagbabasol ako ta ginibo kong hade si Saul; tinalikodan niya ako asin sinuhay an sakong mga pagboot.” Naanggot si Samuel; bilog na bangging nakimaherak siya sa Kagurangnan.