Jeremias 10:9 - Marahay na Bareta Biblia

⁹ An saindang mga dios napapatos nin plata na hale sa Espanya asin nin bulawan na hale sa Ufaz, an gabos ginibo kan mga paraukit asin kan mga panday; nagugubingan an mga iyan nin telang kolor lila saka purpura na hinabol nin mga ekspertong parahabol.

Jeremias 10:9 ပူးပေါင်းရင်းမြစ်များ

1 Mga Hade 10:22

An hade igwa nin mga barko na naglalayag sa dagat kaiba an mga barko ni Hiram. Makasaro sa lambang tolong taon minaabot an saiyang mga barko na may mga darang bulawan, plata, marpil, mga kabalang asin mga pabo.

2 Mga Cronica 9:21

huli ta an mga barko kan hade minaduman sa Tarsis kaiba kan mga sorogoon ni Hiram, dangan lambang ikatolong taon, minabalik hale sa Tarsis na may darang bulawan, plata, marpil, mga kabalang asin mga ukay.

Salmo 115:4

An mga dios-dios ninda plata asin bulawan; gibo kan mga kamot nin katawohan.

Salmo 72:10

Mga hade nin Espanya asin nin mga isla, magbayad logod nin mga buhis saiya. Mga hade nin Sheba asin nin Etiopia magdara logod nin mga dolot saiya.

Isaias 23:6

Mag-agrangay kamo sa kamondoan, kamo na mga taga Fenicia! Magdulag kamo pasiring sa Tarsis!

Isaias 40:19

Bako siya arog sa dios-dios na ginigibo nin mga tawo, na pinapatos nin bulawan kan mga panday asin ibinababaw sa patungtongan na plata.

Ezekiel 27:12

“Nakipagnegosyo saimo an Espanya, asin an mga produkto mo rinibayan ninda nin plata, lansang, lata, saka timga.

Ezekiel 27:7

An mga layag mo gibo sa mga binurdahan na pinong lino na hale sa Egipto, na madaling mamidbid maski sa harayo. An mga panlipod sa mga bintana mo mga telang kolor asul saka purpura, na hale sa isla nin Chipre.

Daniel 10:5

Nagtingkalag ako asin nahiling ko an sarong tawo na nakasulot nin gubing na lino saka may bulawan na habay.

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Jonas 1:3

Alagad embes na magduman si Jonas sa Nineve, nagduman siya sa ibong na direksyon tanganing makadulag sa Kagurangnan. Nagduman siya sa Jope, saen nakahiling siya nin sarong barko na mapasiring sa Espanya. Nagbayad siya kan pasahe, dangan nagsakay kaiba an mga tripulante sa pagpasiring sa Espanya, tanganing makadulag sa Kagurangnan.

Habakkuk 2:19

Herak man saindo na nagsasabi sa sarong pedaso nin kahoy, “Pagmata!” o sa sarong dakulang gapo, “Tindog!” Igwa daw nin ikakapahayag saindo an sarong dios-dios? Pwedeng patoson iyan nin plata o bulawan, alagad mayo iyan nin buhay.