Jeremias 10:20 - Marahay na Bareta Biblia

²⁰ Raot na an samong mga tolda; nagkaparatod na an mga lubid kaini. Mayo na an gabos ming aki; mayo na nin natadang matugdok giraray kan samong mga tolda; mayo na nin masabit kan mga kurtina.”

Jeremias 10:20 ပူးပေါင်းရင်းမြစ်များ

An Libro ni Job 7:8

Dai mo na nanggad ako mahihiling arog kan pakahiling mo sako ngunyan. Kun hanapon mo ako, dai mo na ako makukua.

Mga Talinhaga 12:7

An mga maraot nagagadan asin mayong iwinawalat na kapagarakian, alagad an mga pamilya kan mga matanos magdadanay sagkod lamang.

Isaias 51:16

Ako an nag-unat kan kalangitan asin an nagbugtak kan pundasyon kan kinaban; sinasabihan ko an Jerusalem, ‘Ika an sakong banwaan! Tinawan taka kan sakong katukdoan, asin kamot ko an nag-iingat sa saimo.’”

Isaias 51:18

Mayo na nin mangengenot saimo, mayo sa saimong mga namamanwaan na makabit kan saimong kamot.

Isaias 54:2

Padakulaa an tolda na saimong pinag-eerokan; sugponi an mga lubid asin pakosoga an mga taldok kaiyan!

Jeremias 30:17

Itatao ko giraray saindo an marahay na hawak; bobolongon ko an mga lugad nindo maski nagsasabi an mga kaiwal nindo, ‘Isinikwal an Sion; mayo nin siisay man na nagmamakulog saiya!’ Ako, an Kagurangnan, an nagtaram.”

Jeremias 31:15

Nagsasabi an Kagurangnan, “Nadangog sa Rama an sarong tingog— an pagtangis asin pag-agrangay na makosog. Tinatangisan ni Rachel an mga aki niya; habo siyang magparanga, huli ta gadan na sinda.

Jeremias 4:20

Sunod-sunod an kapahamakan; an bilog na daga nagkararaot. An samong mga tolda biglang nagkagaraba asin an mga kurtina kaiyan nagkagirisi.

Mga Panambitan 1:5

Mga kaiwal an nagsakop saiya, nagin mauswag an mga kalaban niya; pinasakitan siya nin Kagurangnan huli kan dakul niyang mga kasalan. Nagharale an saiyang kaakian, binihag kan mga kaiwal.

Mikas 2:9

Inaalaw nindo paluwas kan mga harong na saindang namomotan an mga babae sa sakong banwaan, asin inaagawan nindo an saindang kaakian kan itinatao kong daing tapos na bendisyon.