Jeremias 10:2 - Marahay na Bareta Biblia

² Nagsabi siya, “Dai nindo pag-arogon an gibo kan ibang mga nasyon; dai kamo matakot sa mga tanda na nahihiling sa kalangitan, maski natatakot kaiyan an ibang mga nasyon.

Jeremias 10:2 ပူးပေါင်းရင်းမြစ်များ

Genesis 1:14

Dangan nagboot an Dios, “Magtunga sa kalangitan an mga ilaw tanganing masuhay an aldaw sa banggi, asin tanganing maaraman kun nuarin mapoon an mga aldaw, an mga taon patin an mga panahon.

Jeremias 10:1

Banwaan nin Israel, hinanyoga nindo an mensahe saindo nin Kagurangnan.

Ezekiel 20:32

Dai nanggad mangyayari an nasa isip nindo—na kamo makaarog sa ibang mga nasyon, sa mga tawong nag-eerok sa ibang lugar asin nagsasamba sa mga kahoy saka sa mga gapo.

Levitico 18:3

Dai nindo pag-arogon an mga ginigibo kan mga tawo sa daga nin Egipto, na nagin erokan nindo o an mga ginigibo kan mga nag-eerok sa Canaan, na pagdadarahan ko saindo.

Levitico 20:23

Dai nindo pag-arogon an mga kaugalean kan mga nag-eerok duman; isinusuka ko sinda, tanganing makalaog kamo sa saindang daga. Naggibo sinda nin mga karigsokan, kaya nauyam ako sainda.

Deuteronomio 18:9

“Kun makaabot na kamo sa daga na itinatao saindo nin Kagurangnan na saindong Dios, hare kamo pagsunod sa mga makauuyam na kaugalean kan mga nasyon na yaon duman.

Hukom 6:10

Tinaraman ko kamo na ako an Kagurangnan na saindong Dios, asin na dai kamo magsamba sa mga dios-dios kan mga Amoreo na dating kagsadiri kan dagang pinag-eerokan nindo ngunyan. Alagad dai kamo nagdangog sako.”