Jeremias 10:16 - Marahay na Bareta Biblia

¹⁶ Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 10:16 ပူးပေါင်းရင်းမြစ်များ

Salmo 119:57

Ika an sakong kahirasan, Kagurangnan; nanunuga akong kukuyogon ko an gabos mong katogonan.

Salmo 135:4

Pinili nin Kagurangnan si Jacob para saiya, si Israel bilang rogaring niya.

Salmo 142:5

Minaagrangay ako saimo, Kagurangnan; ika, Kagurangnan, an sakong pailihan, sakong kahirasan sa daga nin mga buhay.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Salmo 73:26

Pwedeng panluyahon an sakong isip asin hawak, alagad an Dios iyo an sakong kosog; siya sana an kaipuhan ko sagkod lamang.

Salmo 74:2

Giromdoma an saimong banwaan, na kaidtong panahon pinili mo para saimo; na tinubos mo sa kaoripnan tanganing magin sadiring tribu. Giromdoma an Bukid nin Sion na saimong dating pinag-erokan.

Exodo 19:5

Kaya ngunyan, kun susunodon nindo ako asin kun ootobon nindo an sakong tipan, pipilion ko kamo bilang sadiri ko sa gabos na banwaan huli ta rogaring ko an bilog na kinaban.

Exodo 34:9

Dangan nagsabi siya, “O Kagurangnan, kun totoong nawiwilihan mo ako, nakikimaherak ako na ibahan mo kami, maski matagas an payo kan mga tawong ini. Patawadon mo kami kan samong mga karatan saka mga kasalan, asin akoa kami bilang sadiri mong banwaan.”

Mga Talinhaga 16:4

An gabos na ginibo nin Kagurangnan igwa nin katuyohan; asin an kataposan kan maraot iyo an kapahamakan.

Isaias 19:25

Bebendisyonan sinda nin Kagurangnan nin mga hukbo asin masabi, “Bebendisyonan taka, Egipto, sakong banwaan; ika Asiria, na sakong linalang; asin ika, Israel, na sakong piniling banwaan.”

Isaias 45:7

Linalalang ko an liwanag saka an kadikloman; nagpapadara ako nin bendisyon saka kapahamakan. Ako, an Kagurangnan, an naggigibo kan gabos na iyan.

Isaias 47:4

An banal na Dios nin Israel iyo an nagpapatalingkas samo— Kagurangnan nin mga hukbo an saiyang ngaran.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Isaias 51:15

“Ako an Kagurangnan na saindong Dios, na nagbubukag kan dagat asin nagpapahagubohob kan mga alon. Kagurangnan nin mga hukbo an sakong ngaran!

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Jeremias 10:12

Ginibo nin Kagurangnan an daga huli kan saiyang kapangyarihan; huli kan saiyang kadonongan linalang niya an kinaban, asin huli kan saiyang pakasabot biniklad niya an kalangitan.

Jeremias 10:6

Kagurangnan, mayo nin makakaarog saimo; mapangyari ka, dakula saka mapangyari an saimong ngaran.

Jeremias 31:35

An Kagurangnan iyo an nagtatao kan aldaw, bilang ilaw kun aldaw, an bulan asin an mga bitoon tanganing maliwanag kun banggi. Pinapahiro niya an dagat kaya naghahagubohob an mga alon; Kagurangnan nin mga hukbo an saiyang ngaran.

Jeremias 32:18

Nagpahiling ka nin danay na pagkamoot sa rinibong tawo, alagad pinadusahan mo an mga aki huli kan kasalan kan saindang mga magurang. O dakula asin mapangyaring Dios, na an ngaran Kagurangnan nin mga hukbo,

Jeremias 33:2

Tinaraman ako kan Kagurangnan, na naglalang kan daga saka nagporma kaiyan, asin nagbugtak kaiyan sa tamang lugar. Siya, na Kagurangnan an ngaran, nagtaram,

Jeremias 46:18

Ako, an Kagurangnan nin mga hukbo, iyo an hade. Ako, iyo an Dios na buhay. Arog sa Bukid nin Tabor sa tahaw kan mga bukid, asin arog kan Bukid nin Carmelo sa gilid kan dagat, an kosog kan sarong maabot na masalakay saindo.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 51:19

An Dios ni Jacob bakong arog sainda; huli ta siya an naglalang kan gabos saka pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Mga Panambitan 3:24

Minasabi an kalag ko, “An Kagurangnan iyo an sakong kahirasan, kaya sa saiya ako minalaom.”

Amos 4:13

An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Zacarias 2:12

An Juda magigin sarong mahalagang rogaring giraray nin Kagurangnan sa banal na daga, asin an Jerusalem iyo an syudad na mamomotan niya nin orog sa gabos.

Deuteronomio 32:9

Huli ta an kapagarakian ni Jacob saiyang pinili na magin saiyang sadiring kahirasan.