Jeremias 10:14 - Marahay na Bareta Biblia

¹⁴ Sa paghiling kaiyan, namamatean nin mga tawo na sinda mangmang saka mayo nin pakaaram. Napapasopog an lambang panday na naggigibo nin mga dios-dios huli ta an mga dios ninda bakong totoo asin mayo nin buhay.

Jeremias 10:14 ပူးပေါင်းရင်းမြစ်များ

Salmo 14:2

Hale sa langit minadungaw an Kagurangnan sa mga aki nin katawohan, sa paghiling kun may naggigibo nin katanosan, kun igwa pang naghahanap sa Dios.

Salmo 92:6

An sarong mangmang dai kaini makakasabot; an sarong patal dai man kaini makakasabot,

Salmo 94:8

Pakasabota nindo, mga tawong patal! Mga lolong, nuarin nindo masasabotan?

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Mga Talinhaga 30:2

Saro akong mangmang, dai maninigo na magin tawo; maski kaisipan nin tawo, mayo ako.

Isaias 42:17

Masosopgan an gabos na nananarig sa mga dios-dios, asin an mga nag-aapod sa mga ladawan bilang saindang mga dios.”

Isaias 44:11

An lambang saro na nagsasamba kaiyan mapapasopog. An mga naggigibo nin mga ladawan mga tawo sana. Pabayae sindang magtipon saka mag-atubang sako—magkakatarakot sinda asin gabos sinda mapapasopog.

Isaias 45:16

An mga naggigibo nin mga ladawan mapapasopog asin mawawaraan nin onra.

Isaias 57:12

Naghohona kamong tama an saindong ginigibo, alagad ihahayag ko an saindong mga gawe, asin dai kamo matatabangan kan saindong mga dios-dios.

Jeremias 10:5

An mga dios-dios na siring kaiyan garo pantakot sa mga gamgam sa oma; dai iyan nakakataram; kaipuhan pasanon sinda huli ta dai sinda nakakalakaw. Dai kamo matakot sainda huli ta dai sinda makakagibo nin maraot, ni makakagibong marahay.”

Jeremias 10:8

Gabos sinda mangmang saka lolong. Ano an naaadalan ninda sa kahoy na mga dios?

Roma 1:25

Tinalikodan ninda an katotoohan manongod sa Dios dangan nagtubod sinda sa kaputikan. Sinamba ninda saka pinaglingkodan an linalang, bako an Kaglalang na iyo an dapat omawon sagkod pa man! Amen.

1 Samuel 5:4

Kan sunod na aldaw, nahiling ninda na nakadapa na naman sa atubangan kan Kaban nin Tipan an estatwa ni Dagon. Putol an payo asin mga kamot kaini na nagkakurua ninda sa may pintoan; an hawak na sana kan estatwa an natada ki Dagon. (