Jeremias 10:13 - Marahay na Bareta Biblia

¹³ Sa pagboot niya minahagubohob an mga tubig sa kaitaasan; tinitipon niya an mga panganoron hale sa mga poro kan daga. Pinapasilyab niya an kikilat sa tahaw kan uran asin pinapaluwas niya an doros hale sa saiyang mga sarayan.

Jeremias 10:13 ပူးပေါင်းရင်းမြစ်များ

Genesis 2:5

mayo nin ano man na tinanom asin banhi na nagtalubo sa ibabaw nin daga, huli ta dai pa niya pinapauran asin mayo pa nin mag-aataman;

1 Mga Hade 18:41

Sinabihan ni Elias si Ahab, “Lakaw na asin magkakan ka. Nadadangog ko an ragubrob kan nagdadangadang na uran.”

An Libro ni Job 38:22

“Nakalaog ka na daw sa mga sarayan kan nyebe, o nahiling an mga sarayan kan uran nin yelo,

Salmo 104:13

Hale sa langit binabaribi mo an mga bulod; napapano an daga kan saimong mga balaog.

Salmo 135:17

Igwang mga talinga, alagad dai nakakadangog; mayo nin hinangos sa saindang mga ngoso.

Salmo 135:7

Siya an nagpapaitaas kan mga panganoron hale sa mga poro kan daga; an naggigibo nin kikilat para sa uran, asin an nagpapaluwas kan mga doros hale sa saiyang mga sarayan.

Salmo 147:8

An langit tinatahoban niya nin mga panganoron, inaandam niya an uran para sa daga, pinapatalubo niya an mga doot sa kabubuldan.

Salmo 18:13

An Kagurangnan nagdaguldol sa kalangitan; asin nadangog an tingog kan Kahorohalangkawe.

Salmo 68:33

sa saiya na naglulunad sa kalangitan, mga suanoy na kalangitan. Uya, ipinapadara niya an saiyang tingog, an makosog niyang tingog.

Exodo 9:23

Kaya itinaas ni Moises an saiyang sugkod, dangan pinadaguldol asin pinakikilat nin Kagurangnan saka pinauranan nin yelo an daga.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 19:12

Ako nanunuga na iaarog ko sa Tofet an syudad na ini asin an mga nag-eerok digdi.

Jeremias 5:24

Dai nanggad nindo inisip na omawon ako maski ngani ako an minapadara saindo nin uran sa tamang panahon saka minapaabot kan panahon nin pag-ani sa lambang taon.

Jeremias 51:16

Sa pagboot niya minahagubohob an mga tubig sa ibabaw kan langit; pinapaitaas niya an mga alopoop hale sa mga poro kan daga. Pinapasilyab niya an kikilat sa tahaw kan uran, asin pinapaluwas niya an doros hale sa saiyang sarayan.

Amos 4:13

An Dios iyo an naggibo kan kabukidan asin an naglalang kan mga doros. Ipinapahayag niya an saiyang kaisipan sa tawo; ginigibo niyang banggi an aldaw. Naglalakaw siya sa mga alitoktok kan kinaban. Iyo ini an saiyang ngaran: an Kagurangnan, an Dios nin mga hukbo!

Zacarias 10:1

Hagad kamo nin uran sa Kagurangnan pakatapos kan tiglipot, bago mag-abot an tig-init, huli ta siya an naggigibo kan mga dampog, an nagtatao nin dakul na uran tanganing magin berde an kaomahan para sa gabos.