Jeremias 10:12 - Marahay na Bareta Biblia

¹² Ginibo nin Kagurangnan an daga huli kan saiyang kapangyarihan; huli kan saiyang kadonongan linalang niya an kinaban, asin huli kan saiyang pakasabot biniklad niya an kalangitan.

Jeremias 10:12 ပူးပေါင်းရင်းမြစ်များ

Genesis 1:1

Sa kapinonan, kan lalangon nin Dios an kalangitan asin an daga,

Genesis 2:5

mayo nin ano man na tinanom asin banhi na nagtalubo sa ibabaw nin daga, huli ta dai pa niya pinapauran asin mayo pa nin mag-aataman;

1 Mga Cronica 16:26

An mga dios kan ibang nasyon mga dios-dios sana alagad an kalangitan linalang nin Kagurangnan.

An Libro ni Job 26:7

Biniklad nin Dios an langit sa amihan dangan saiyang binitay an daga sa tahaw kan kahiwasan.

An Libro ni Job 37:18

Matatabangan mo daw an Dios sa pagbiklad kan kalangitan asin sa pagpatagas kaiyan siring sa pinakintab na metal?

An Libro ni Job 9:8

Siya sanang saro an nagbiklad kan kalangitan asin an nagtimaktimak kan likod kan dragon sa dagat.

Salmo 104:2

natatahoban ka nin kaliwanagan. An kalangitan biniklad mo arog sa sarong tolda.

Salmo 104:24

Kagurangnan, kadakul an saimong mga gibo! Sa kadonongan, iyan gabos ginibo mo! An daga pano kan saimong mga linalang.

Salmo 119:90

An saimong kaimbodan nagdadanay sa gabos na henerasyon; ipinamugtak mo an kinaban sa saiyang lugar, asin diyan iyan nagdadanay.

Salmo 24:2

huli ta pinatindog niya ini sa ibabaw nin kadagatan, asin pinamugtak sa ibabaw nin katubigan.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Salmo 65:7

Pinapaontok mo an ribok nin kadagatan, an hagubohob kan mga alon, an karibokan nin mga tawo.

Salmo 78:69

Duman niya itinugdok an saiyang Templo arog kan harong niya sa langit; pinakosog niya iyan arog kan daga, na saiyang pinamugtak sagkod lamang.

Salmo 93:1

Hade an Kagurangnan. Siya nagugubingan nin kamahalan asin kosog. Masarig an namumugtakan kan kinaban asin dai matatanyog.

Mga Talinhaga 3:19

Huli sa kadonongan, linalang nin Dios an daga; huli sa pakasabot, pinamugtak niya an langit.

Mga Talinhaga 30:4

Siisay an nagsakat sa langit dangan naghilig? Siisay an nakapugol kan doros sa saiyang mga kamot? Siisay an nakapatos kan katubigan sa sarong pedaso nin tela? Siisay an nagbugtak kan mga pagdolonan kan kinaban? Siisay siya, kun aram mo? Siisay an saiyang aking lalaki?

Isaias 37:16

“O Kagurangnan nin mga hukbo, Dios nin Israel, na nagtutukaw sa trono sa itaas kan mga kerubin, ika sana an Dios kan gabos na kahadean sa daga. Ika an naglalang kan langit asin kan daga.

Isaias 40:22

Ginibo iyan kan nagtutukaw sa saiyang trono sa itaas kan daga asin lampas pa sa langit; an mga tawo sa daga arog na sana kasadit sa mga doron. Inunat niya an langit siring sa sarong kurtina, siring sa sarong eerokan na tolda.

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Isaias 44:24

“Ako an Kagurangnan, an saimong paraligtas; ako an naglalang saimo. Ako an Kagurangnan, an Kaglalang kan gabos na bagay. Ako sanang saro an nag-unat kan kalangitan; kan gibohon ko an kinaban mayo sakong nagtabang.

Isaias 45:12

Ako an naggibo kan kinaban asin naglalang kan katawohan nganing mag-erok diyan. Inunat ko an kalangitan huli sa sakong kapangyarihan; pinagbobotan ko an aldaw, an bulan, asin an kabitoonan.

Isaias 45:18

Linalang nin Kagurangnan an kalangitan— siya sana an Dios! Pinorma niya asin ginibo an kinaban— pinapusog niya iyan asin iyan magdadanay. Dai niya iyan ginibong sarong lugar na mamondo, kundi ginibo niyang sarong lugar na eerokan nin tawo. Siya iyo an nagsasabing, “Ako an Kagurangnan, asin pwera sako mayo na nin ibang dios.

Isaias 48:13

An sakong kamot an nagbugtak kan pundasyon kan kinaban asin an nagbiklad kan kalangitan. Kun inaapod ko an kinaban saka an kalangitan, minadatong sinda tolos asin minatindog sa sakong atubang.

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Jeremias 10:13

Sa pagboot niya minahagubohob an mga tubig sa kaitaasan; tinitipon niya an mga panganoron hale sa mga poro kan daga. Pinapasilyab niya an kikilat sa tahaw kan uran asin pinapaluwas niya an doros hale sa saiyang mga sarayan.

Jeremias 10:16

Bakong arog sainda an Dios ni Jacob; siya an naglalang kan gabos na bagay, asin pinili niya an Israel na magin sadiri niyang banwaan. Kagurangnan nin mga hukbo an saiyang ngaran.

Jeremias 14:22

Dai nakakapagpauran an mga dios-dios kan mga nasyon; maski na an langit dai nakakapahulog nin uran. Ibinubugtak mi saimo an samong paglaom, O Kagurangnan na samong Dios, huli ta ika an naggigibo kaini gabos.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Juan 1:3

Sa paagi niya ginibo nin Dios an gabos; dai nin anoman na linalang na bakong sa paagi niya.

Colosas 1:16

Huli saiya linalang nin Dios an gabos na yaon sa langit asin sa daga, magin an mga bagay na nahihiling o an dai nahihiling: mga espiritwal na linalang, mga trono, mga pamamayo, mga prinsipado, saka mga awtoridad—gabos iyan linalang huli saiya asin para saiya.