Jeremias 1:18 - Marahay na Bareta Biblia

^18-19 Jeremias, magdangog ka! An lambang saro sa dagang ini—an gabos na hade sa Juda, an mga opisyal, an mga padi, saka an mga tawo—magigin kalaban mo. Alagad tinatawan taka ngunyan nin kosog tanganing lumaban sainda; magigin arog ka sa sarong pinapusog na syudad, sarong lansang na harigi, asin sarong bronseng kudal. Dai ka ninda madadaog huli ta iibahan saka iingatan taka. Ako, an Kagurangnan, an nagtaram.”

Jeremias 1:18 ပူးပေါင်းရင်းမြစ်များ

Isaias 50:7

Alagad dai ako makukulogan kan saindang mga pag-olog-olog huli ta tinatabangan ako kan Kagurangnan Dios. Inaandam ko na an sakong sadiri sa pagtios kan mga iyan. Aram kong dai ako mapapasopog,

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 15:20

Para sa mga tawong ini, gigibohon takang pusog na kudal na bronse. Makikiiwal sinda saimo, alagad dai ka ninda madadaog, huli ta iibahan taka tanganing ingatan asin iligtas.

Jeremias 20:11

Alagad ika, Kagurangnan, kasurog taka; makosog ka saka mapangyari; an mga naglalamag sako magkakadarapa. Mawawaran sinda nin onra sagkod lamang huli ta dai sinda manggagana. An pagkawara kan saindang onra dai nanggad malilingawan.

Jeremias 21:4

na sabihan ninda si Zedekias na an Kagurangnan, an Dios nin Israel, nagtaram nin siring, “Zedekias, dadaogon ko an saimong hukbo na nakikilaban sa hade nin Babilonia asin sa saiyang hukbo. An mga armas kan saimong mga soldados tatambakon ko sa tahaw kan syudad.

Jeremias 26:24

Alagad huli ta tinabangan ako ni Ahikam na aking lalaki ni Safan, dai ako ikinatao sa mga tawo tanganing gadanon.

Jeremias 34:3

Dai ka makakadulag; dadakopon ka asin itatao saiya. Makakahampang mo siya asin makakaolay, dangan maduman ka sa Babilonia.

Jeremias 37:7

na sabihan si Zedekias nin siring, “Nagdadangadang na an hukbo nin Egipto tanganing tabangan ka, alagad mabalik sinda sa Egipto.

Jeremias 38:18

Alagad kun dai ka magsuko, itatao an syudad na ini sa mga taga Babilonia. Susuloon ninda ini, asin dai ka makakadulag sainda.”

Jeremias 38:2

na an Kagurangnan nagtaram nin siring, “Magagadan sa gera o sa gutom o sa peste an siisay man na padagos na mag-erok sa syudad na ini. Alagad an magluwas saka magsuko sa mga taga Babilonia mabubuhay; ikakaligtas niya an saiyang buhay.”

Jeremias 42:22

Kaya giromdoma nindo ini: magagadan kamo sa gera o sa gutom o sa peste sa daga na boot nindong dumanan saka erokan.”

Jeremias 6:27

Jeremias, baloa an sakong banwaan, arog sa pagbalo sa metal, asin aramon mo kun ano an saindang pagkatawo.

Juan 1:42

Ipinag-iba ni Andres si Simon ki Jesus. Kan mahiling ni Jesus si Simon, sinabihan niya ini, “Ika si Simon na aki ni Juan. Ngangaranan kang Cefas.” (An ngaran na ini pareho kan ngaran na Pedro na an kahulogan, “gapo.”)

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.