Jeremias 1:16 - Marahay na Bareta Biblia

¹⁶ Papadusahan ko an sakong banwaan huli ta nagkasala sinda; nagtalikod sinda sako, nagdolot nin mga sakripisyo sa mga dios-dios, dangan naggibo nin mga ladawan saka sinamba iyan.

Jeremias 1:16 ပူးပေါင်းရင်းမြစ်များ

2 Mga Hade 22:17

Tinalikodan ninda ako asin nagtutong sinda nin insenso para sa mga dios-dios kaya pinaanggot ninda ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 28:2

asin sinunod niya an mga paarog kan mga hade nin Israel. Nagpagibo pa siya nin mga metal na ladawan ni Baal,

2 Mga Cronica 34:25

Tinalikodan ninda ako asin nagtutong sinda nin insenso para sa mga dios-dios tanganing paanggoton ako huli kan saindang mga gibo. Kaya maglalaad an kaanggotan ko laban sa Jerusalem, asin dai iyan masisigbo.

2 Mga Cronica 7:19

Alagad kun ika asin an saimong banwaan magtalikod sako asin dai magkuyog kan sakong mga togon saka mga pagboot; kun magsunod kamo, maglingkod asin magsamba sa ibang mga dios,

Isaias 2:8

An saindang daga pano na nin mga ladawan; asin sinasamba ninda an mga bagay na gibo kan saindang kamot.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 44:15

An tawo minagamit kan sarong kabtang nin kahoy tanganing igatong asin an sarong kabtang kaiyan tanganing gibohon na rebulto. An sarong kabtang kan kahoy minamakotan niya tanganing mahimbongan siya asin tanganing makagibo nin tinapay; an sarong kabtang ginigibo niyang dios-dios dangan sinasamba iyan.

Isaias 65:3

Daing sopog na pinapaanggot ninda ako. Nagdodolot sinda nin paganong mga sakripisyo sa banal na mga tatamnan asin nagtututong sinda nin mga insenso sa mga paganong altar.

Jeremias 10:15

An mga dios-dios na iyan mayo nin halaga asin dapat na pag-olog-ologon; mapapara sinda pag-abot kan saindang kapadusahan.

Jeremias 10:3

An sinasamba kan mga tawong ini mayo nin halaga. Kahoy iyan na pinalod sa kadlagan; inukitan kan kasangkapan kan paraukit

Jeremias 11:12

Dangan an mga taga Juda saka mga taga Jerusalem maduruman sa mga dios-dios na saindang pinagdolotan nin mga sakripisyo asin maagrangay. Alagad an mga dios-dios na iyan dai makakaligtas sainda sa panahon kan saindang kasakitan.

Jeremias 11:17

“Ako, an Kagurangnan nin mga hukbo, iyo an nagtanom kan Israel asin kan Juda; alagad ngunyan hinohomaan ko sinda nin kasakitan. Sinda an nagdara kaini sa saindang sadiri huli ta naggibo sinda nin maraot; pinaanggot ninda ako huli sa pagdolot nin mga sakripisyo ki Baal.”

Jeremias 15:6

Isinikwal nindo ako; nagtalikod kamo sako. Kaya ibinikyaw ko an sakong kamot saka rinonot ko kamo huli ta dai ko na mapugolan an kaanggotan ko.

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 17:13

Kagurangnan, ika an paglaom nin Israel; mapapasopog an gabos na nagbaya saimo. Mapapara sinda arog sa ngaran na isinurat sa alpog, huli ta binayaan ka ninda, Kagurangnan, an burabod nin buhay na tubig.

Jeremias 18:15

Alagad liningawan ako kan sakong banwaan; nagtututong sinda nin insenso sa mga dios-dios. Nagkadarapa sinda sa dalan na dapat nindang lakawan; dai na ninda sinusunod an dating mga agihan; naglalakaw sinda sa mga dalan na dai pa pinag-aagihan.

Jeremias 19:4

Gigibohon ko ini huli ta binayaan ako kan banwaan asin dinigtaan ninda an lugar na ini sa pagdolot ninda digdi nin mga sakripisyo sa ibang mga dios, na dai man ninda midbid, ni kan saindang mga ginikanan asin kan mga hade nin Juda. Pinano ninda an lugar na ini nin dugo kan mga tawong mayo nin sala.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:17

Israel, ika an nagdara kaini sa saimong sadiri! Tinalikodan mo ako, an Kagurangnan na saimong Dios, kan pinapangenotan ko kamo sa saindong pagbaklay.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Jeremias 4:12

kundi sarong makosog na doros na maghahale sa Kagurangnan! An Kagurangnan mismo an nagpapahayag kan padusa sa saiyang banwaan.

Jeremias 4:28

Magmomondo an daga; magdidiklom an kalangitan. Nagtaram an Kagurangnan asin dai magbabago an saiyang isip. Nakapagdesisyon na siya asin dai siya masibog.

Jeremias 44:17

Gigibohon mi an samong mga ipinanuga. Magtututong kami nin insenso sa reyna nin langit, saka mag-uula kami nin mga dolot na arak para saiya, arog kan dati nyamong ginigibo asin kan samong mga ginikanan, kan samong hade saka mga lider, sa mga banwa sa Juda asin sa mga tinampo nin Jerusalem. Kadakul kaidto kan samong pagkakan, mauswag kami asin mayo nin nag-abot samong kasakitan.

Jeremias 5:29

“Alagad ako, an Kagurangnan, an mapadusa sainda huli kan mga bagay na ini; babaloson ko an siring na nasyon.

Jeremias 5:9

Bakong dapat na padusahan ko sinda huli kan mga bagay na ini? Bakong dapat na baloson ko an nasyon na siring kaini?

Jeremias 51:17

Sa atubang kaini, mamamatean nin tawo na siya sarong mangmang saka mayo nin pakaaram; mapapasopog an lambang panday na naggigibo nin mga ladawan, huli ta an mga dios-dios niyang ini bakong totoo saka mayo nin buhay.

Jeremias 7:17

Dai mo nahihiling an ginigibo ninda sa mga syudad nin Juda saka sa mga tinampo nin Jerusalem?

Jeremias 7:18

Nagkukua nin igatong an mga aki, nagmamakot nin kalayo an mga kalalakihan asin nagmamasa nin arina an kababaehan tanganing magluto nin mga tinapay para sa diosang inaapod nindang Reyna nin Langit. Inuula man ninda an mga dolot na inomon para sa ibang dios, tanganing kulogan an boot ko.

Jeremias 7:9

Naghahabon kamo, nanggagadan, nagdodorog sa bakong agom, nanunumpa sa bakong katotoohan, nagdodolot nin mga sakripisyo ki Baal, asin nagsasamba sa mga dios-dios na dai man nindo midbid.

Ezekiel 16:18

Kinua mo an binurdahan na mga gubing na itinao ko dangan isinulot mo sa mga dios-dios. An lana nin oliba asin an insenso na itinao ko inatang mo sa mga dios-dios.

Ezekiel 24:14

Ako, an Kagurangnan, an nagtaram. Uminabot na an panahon na dapat akong maghiro. Dai ko paliligtason an saimong mga kasalan; mayo ako nin paliligtason o maheherakan. Papadusahan taka huli kan saimong mga ginibo.” An Kagurangnan Dios an nagtaram.

Oseas 11:2

Alagad kan ako orog na mag-apod saiya, orog man siyang nagharayo sako. Nagsakripisyo ki Baal an sakong banwaan; nagtutong sinda nin insenso sa mga ladawan.

Oseas 8:6

Sarong Israelitang panday an naggibo kan ladawan; bako iyan Dios! Maroronot an bulawan na baka na sinamba sa Samaria!

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

Mga Gibo 7:41

Kaya naggibo sinda nin sarong bulawan na baka. Dinolotan ninda iyan nin mga atang; nagpyesta sinda sa kaomawan kan ginibo ninda.

Deuteronomio 28:20

“Kun maggibo kamo nin maraot asin magtalikod kamo sa Kagurangnan, papadarahan niya kamo nin maldisyon, karibongan saka kasakitan sa gabos nindong gibo, sagkod na matunaw asin mapara tolos kamo.

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Josue 24:20

Kun talikodan nindo siya tanganing maglingkod sa dayuhan na mga dios, maaanggot siya saindo saka papadusahan niya kamo. Gagadanon niya kamo, maski ngani marahay siya kaidto sa saindo.”

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.