Jeremias 1:13 - Marahay na Bareta Biblia

¹³ Tinaraman giraray ako nin Kagurangnan, “Ano pa an nahihiling mo?” an hapot niya. Nagsimbag ako, “Nahihiling ko sa amihan an sarong koron na nagkakalakaga an laog, saka madali nang malitwang paatubang digdi.”

Jeremias 1:13 ပူးပေါင်းရင်းမြစ်များ

Genesis 41:32

An pagigin doble kan saimong pangatorogan nangangahulogan na itinalaga iyan nin Dios asin madali na niyang gibohon.

Isaias 55:11

Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

Jeremias 24:3

Dangan nagtaram sako an Kagurangnan, “Jeremias, ano an nahihiling mo?” Nagsimbag ako, “Higera. An mararahay na higera totoong marahay, asin an nalapang higera, ralapa na nanggad, kaya dai na pwedeng kakanon.”

Ezekiel 11:3

Nagtataram sinda, ‘Dai mahahaloy magpapatugdok giraray kita nin mga harong. An syudad iyo an kaldero, dangan kita an karne na nasa laog kaiyan, alagad minsan siring iniingatan kita kaiyan sa kalayo.’

Ezekiel 11:7

“Kaya ini an tataramon ko saindo, ako an Kagurangnan Dios. Totoo man nanggad na an syudad na ini iyo an kaldero, alagad arin an karne? An mga bangkay kan saindong mga ginadan! Dai na kamo mag-eerok digdi—itinapok ko kamo sa luwas kan syudad!

Ezekiel 12:28

Kaya sabihan mo sinda na ako, an Kagurangnan Dios, an nagtataram: Dai na mahahaloy. Mangyayari na an sinabi ko. Ako, an Kagurangnan Dios, an nagtaram!”

Amos 8:2

Hinapot ako nin Kagurangnan, “Amos, ano an nahihiling mo?” Nagsimbag ako, “Sarong basket nin prutas.” Tinaraman ako nin Kagurangnan, “Nag-abot na an kataposan kan sakong banwaan na Israel. Dai ko na babagohon an sakong isip dapit sa pagpadusa sa sainda.

Zacarias 4:2

Hinapot niya ako, “Ano an nahihiling mo?” Nagsimbag ako, “Sarong bulawan na kandelero na igwang mangko para sa lana sa parteng ibabaw. Igwa man nin pitong ilawan an kandelero, na an lambang saro igwang pitong bugtakan nin mitsa.