Jeremias 1:12 - Marahay na Bareta Biblia

¹² “Tama ka”, an sabi nin Kagurangnan “asin nagbabantay ako huli ta boot kong magkatotoo an sakong mga tataramon.”

Jeremias 1:12 ပူးပေါင်းရင်းမြစ်များ

Isaias 55:11

Siring man an tataramon na sakong sinasabi— dai iyan mabalik sako na mayo nin bunga; gigibohon kaiyan an gabos na sakong ipinapagibo.

Jeremias 1:13

Tinaraman giraray ako nin Kagurangnan, “Ano pa an nahihiling mo?” an hapot niya. Nagsimbag ako, “Nahihiling ko sa amihan an sarong koron na nagkakalakaga an laog, saka madali nang malitwang paatubang digdi.”

Jeremias 24:3

Dangan nagtaram sako an Kagurangnan, “Jeremias, ano an nahihiling mo?” Nagsimbag ako, “Higera. An mararahay na higera totoong marahay, asin an nalapang higera, ralapa na nanggad, kaya dai na pwedeng kakanon.”

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Ezekiel 12:25

Ako, an Kagurangnan, an mataram sainda, asin mangyayari an itinataram ko. Dai na mahahaloy. Sa saindong panahon, kamong mga rebelde, gigibohon ko an ipinatanid kong gigibohon. Ako an nagtaram,” olay nin Kagurangnan Dios.

Ezekiel 12:28

Kaya sabihan mo sinda na ako, an Kagurangnan Dios, an nagtataram: Dai na mahahaloy. Mangyayari na an sinabi ko. Ako, an Kagurangnan Dios, an nagtaram!”

Amos 8:2

Hinapot ako nin Kagurangnan, “Amos, ano an nahihiling mo?” Nagsimbag ako, “Sarong basket nin prutas.” Tinaraman ako nin Kagurangnan, “Nag-abot na an kataposan kan sakong banwaan na Israel. Dai ko na babagohon an sakong isip dapit sa pagpadusa sa sainda.

Lukas 10:28

“Tama an simbag mo,” an sabi ni Jesus. “Giboha iyan asin mabubuhay ka.”

Lukas 20:39

Nagsabi an nagkapirang paratukdo kan Katogonan, “Maestro, marahay an simbag mo!”

Deuteronomio 18:17

Kaya nagtaram sako an Kagurangnan, ‘Tama an sinabi ninda.

Deuteronomio 32:35

An Kagurangnan an mabalos asin mapadusa sainda; maabot an panahon nin saindang pagkapadungkal; harani na an panahon nin saindang pagkagadan.

Deuteronomio 5:28

“Kan nadangog ini nin Kagurangnan, nagtaram siya sako, ‘Nadangog ko an sinabi kan mga tawong ini, asin tama sinda.