Isaias 9:7 - Marahay na Bareta Biblia

⁷ Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Isaias 9:7 ပူးပေါင်းရင်းမြစ်များ

2 Samuel 7:16

Danay kang magkakaigwa nin mga kapagarakian, asin an saimong trono magdadanay sagkod lamang. Mayo nin kataposan an saimong kahadean.’”

2 Mga Hade 19:31

Huli ta sa Jerusalem asin sa Bukid nin Sion may kadikit na matatada. An pagmakulog nin Kagurangnan iyo an magibo kaini.

Salmo 2:8

Maghagad ka asin ipapamana ko saimo an gabos na nasyon, ipapasadiri ko saimo an bilog na kinaban.

Isaias 11:1

May maluwas na sarong supang sa pungo ni Jesse, asin sarong sanga an matalubo hale sa saiyang mga gamot.

Isaias 16:5

Dangan magigin hade an sarong kapagarakian ni David, asin pamamayohan niya an banwaan sa kaimbodan saka sa pagkamoot. Magigin marikas siya sa paggibo kan tama; bilang hukom, ipapahiling niya an hustisya.)

Isaias 2:4

Huhukoman niya an darakulang nasyon. Pupulpogon ninda an saindang mga espada na magin mga arado, asin an saindang mga garod na magin mga pantakras na kutsilyo; mayo nang nasyon na magamit nin espada laban sa kapwa ninda nasyon. Dai na sinda mag-aandam sa pakilaban sagkod pa man.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 37:32

Magkakaigwa man nin mga tawong matatada sa Jerusalem asin sa Bukid nin Sion, huli ta iyan an boot mangyari kan Kagurangnan nin mga hukbo.

Isaias 40:10

Nagdadangadang an Kagurangnan Dios asin mapangyari siyang maghahade, nagdadangadang na kaiba an mga tawong saiyang ilinigtas.

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 7:14

Tinawan siya nin awtoridad, onra saka kapangyarihan na maghade, tanganing paglingkodan siya kan mga tawo sa gabos na nasyon, rasa asin lengwahe. Magdadanay an saiyang awtoridad, asin mayo nin kataposan an saiyang kahadean.

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Hageo 2:9

An bagong Templo magigin mas magayon ki sa dati, asin duman ko tatawan nin kauswagan asin katoninongan an sakong banwaan.” An Kagurangnan nin mga hukbo an nagtaram.

Mateo 1:23

“Mangingidam an sarong birhen asin mangangaki nin lalaki na aapodon Emmanuel” (na an boot sabihon, “an Dios nasa sato”).

Juan 12:34

Nagsimbag an mga tawo, “Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?”

Hebreyo 1:8

Alagad dapit sa Aki, sinabi nin Dios: “An saimong trono, O Dios, magdadanay sagkod lamang! Setro nin katanosan an setro nin saimong kahadean.

Hebreyo 7:24

Alagad huli ta si Jesus nabubuhay sagkod lamang, an saiyang pagkapadi yaon saiya sagkod pa man.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.