Isaias 9:3 - Marahay na Bareta Biblia

³ Tinawan mo sinda nin dakulang kaogmahan, Kagurangnan; pinaogma mo sinda. Naoogma sinda sa saimong ginibo, siring na naoogma an mga tawo kun sinda nag-aani o kun sinda naghihiras kan mga sinamsam.

Isaias 9:3 ပူးပေါင်းရင်းမြစ်များ

Nehemias 9:23

Pinadakul mo an saindang kapagarakian siring sa mga bitoon sa langit; pinamugtak mo sinda sa daga na ipinanuga mong itatao sa saindang mga kapagarakian.

An Libro ni Job 12:23

Pinapakosog asin pinapadakula niya an mga nasyon dangan dinadaog saka rinurumpag niya an mga iyan.

Salmo 107:38

Benendisyonan niya an saiyang banwaan, asin nagdakul sinda; dai niya itinugot na magdiit an saindang mga hayop.

Salmo 119:162

Naoogma ako sa saimong tataramon, siring sa tawong nakakakua nin dakulang kayamanan.

Salmo 4:7

Itinao mo sakuya an dakulang kaogmahan labi pa kan ogma na saindang namatean kan dakul na arak saka trigo an saindang nakamtan.

Isaias 10:26

Ako, an Kagurangnan nin mga hukbo, an mahampak sainda kan sakong pamakol arog kan paghampak ko sa mga taga Midian sa Gapo ni Oreb. Papadusahan ko an Asiria siring kan paghampak ko sa Egipto.

Isaias 12:1

Maabot an aldaw na maawit an mga tawo, “Magpapasalamat ako saimo, Kagurangnan! Anggot ka sako kaidto, alagad rinanga mo ako ngunyan asin bako ka nang anggot sako.

Isaias 14:5

Tinapos na nin Kagurangnan an kapangyarihan kan maraot na mga pamayo,

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Isaias 26:15

Alagad, pinadakula mo an samong nasyon, Kagurangnan; pinahiwas mo an mga pagdolonan kaiyan, asin iyan an nagdara saimo nin kamurawayan.

Isaias 35:10

Magayagaya sindang makakaabot sa Jerusalem, na nag-aawit asin nagkukurahaw sa kaogmahan. Sagkod pa man magigin maogma sinda, sagkod pa man magigin talingkas sinda sa kamondoan asin sa kasakitan.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 54:1

Jerusalem, kaidto siring ka sa babaeng mayo nin aki, alagad pwede ka nang mag-awit ngunyan asin magkurahaw sa kaogmahan. Huli ta magkakaigwa ka na nin dakul na kaakian ki sa babaeng igwa nin agom!

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 61:7

Tapos na an saindong kasosopgan asin an pagkawara nin onra. Mag-eerok kamo sa sadiri nindong daga, asin madodoble an saindong kayamanan; an saindong kaogmahan magdadanay sagkod lamang.

Isaias 65:14

Mag-aawit sinda sa kaogmahan, alagad maghihibi kamo sa dakulang kamondoan.

Isaias 65:18

Mag-ogma asin maggayagaya kamo sagkod pa man sa sakong linalalang. An bagong Jerusalem na linalalang ko magigin pano nin kaogmahan, asin an saiyang mga namamanwaan magigin maogma.

Isaias 66:10

Mag-ogma kamo kaiba kan Jerusalem; mag-ogma kamo para saiya, kamo gabos na namomoot sa syudad na ini! Mag-ogma kamo ngunyan kaiba niya, kamo gabos na nagmondo para saiya!

Jeremias 31:7

Nagsasabi an Kagurangnan, “Mag-awit kamo sa kaogmahan para sa Israel, an pinakadakula sa mga nasyon. Mag-awit kamo kan awit nin pag-omaw, ‘Ilinigtas nin Kagurangnan an saiyang banwaan, an mga natada sa Israel.’

Oseas 4:7

“Mantang nagdadakul kamong mga padi, nagdadakul man an saindong kasalan tumang sako, kaya gigibohon kong kasosopgan an saindong kamurawayan.

Levitico 26:13

Ako an Kagurangnan na saindong Dios, na nagkua saindo hale sa Egipto tanganing dai na kamo magin mga oripon. Binari ko na an saindong sakal asin pinalakaw ko kamo na daing sukat ikasopog.”

Zacarias 10:8

“Aapodon ko an sakong banwaan asin titiponon. Ililigtas ko sinda dangan papadakulon siring kaidto.

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Zacarias 8:23

Sa mga aldaw na iyan, an sampolong dayuhan madolok sa sarong Judio dangan masabi, ‘Tugote kaming makiiba saindo, huli ta nadangog ming nasa saindo an Dios.’”

Lukas 11:22

Alagad kun labanan siya nin sarong mas makosog ki sa saiya dangan madaog siya, kukuahon an gabos na armas na pinagsasarigan niya saka babarangaon an mga nasamsam.

Mga Gibo 8:8

Kaya nagkaigwa nin dakulang kaogmahan sa Samaria.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

1 Pedro 1:8

Namomotan nindo siya, maski dai nindo siya nahiling; nagtutubod kamo saiya, maski dai pa nindo siya nahihiling ngunyan; kaya dakula asin dai masabi an saindong kaogmahan,

Hukom 5:3

Pagdangog kamo, mga hade! Paghinanyog kamo, mga namamayo! Makanta ako, asin magibo nin musika para sa Kagurangnan, an Dios nin Israel.

Hukom 7:22

Mantang nagtatanog an mga trompeta kan mga tawohan ni Gideon, ginibo nin Kagurangnan na magralaban sinda-sinda man sana an mga kaiwal. Dangan, nagdurulag sinda pasiring sa Zaretan sagkod sa Bet-Citta asin sa harayong banwaan kan Abel-mehola na harani sa Tabbat.

Hukom 8:12

Nakadulag an duwang hade kan Midian alagad linamag sinda ni Gideon sagkod na madakop. Huli ki Gideon, nataranta an bilog nindang hukbo.

1 Samuel 30:16

Giniyahan niya si David pasiring sa mga parasalakay. Wararak an mga parasalakay sa bilog na lugar; nagkakarakan sinda, nag-iirinom, asin nag-oorogma huli kan dakulang nasamsam ninda sa daga kan mga Filisteo asin sa Juda.