Isaias 9:20 - Marahay na Bareta Biblia

²⁰ Saen man na lugar inaagaw dangan kinakakan kan mga tawo an anoman na pagkakan na saindang makua, alagad dai sinda nababasog. Maski an sadiri nindang mga aki, saindang kinakakan!

Isaias 9:20 ပူးပေါင်းရင်းမြစ်များ

Parahulit 4:5

Nagsasabi sinda na lolong an sarong tawo na magparapamungko asin ginagadan an sadiri sa gutom.

Isaias 10:4

Magagadan kamo sa gera o guguyodon pasiring sa harayong lugar bilang mga bilanggo. Alagad dai pa matatapos an kaanggotan nin Kagurangnan; unat pa giraray an saiyang kamot sagkod ngunyan tanganing magpadusa.

Isaias 14:30

An Kagurangnan iyo an mapastor sa mga dukha sa saiyang banwaan asin tutugotan niya sindang mamuhay na matoninong. Alagad mapadara siya nin makangirhat na gutom sa saindo, mga Filisteo, asin mayo sa saindo nin matatadang buhay.

Isaias 3:1

Huli ta uya, an Kagurangnan, an Kagurangnan nin mga hukbo, hahaleon niya sa Jerusalem saka sa Juda an gabos na sinasarigan kan katawohan. Hahaleon niya an sinasarigan nindang pagkakan asin tubig.

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Isaias 51:19

Duwang bagay an nag-abot saimo: naraot an saimong daga huli kan gera asin nagutom an saimong namamanwaan. Mayo nin saro man na madamay saimo.

Isaias 8:21

Maglalagalag an mga tawo sa daga, manluluya an boot ninda asin magugutom sinda. Sa saindang pagkagutom saka kaanggotan, mamaldisyonon ninda an saindang hade patin an saindang Dios. Matingkalag sinda sa langit

Isaias 8:22

o mahiling sa daga, alagad mayo sindang mahihiling kundi kasakitan asin kadikloman, makangirhat na kadikloman na saindang padudumanan.

Jeremias 13:14

Dangan pagtatarangkoon ko sinda na garo mga tapayan sagkod na maronot sinda gabos, gurang man o aki. Dai ako maheherak sainda maski kadikit.”

Jeremias 19:9

An syudad papalibotan kan mga kaiwal asin hihingowahon nindang gadanon an mga tawo. Magigin makuri an pagkalaom sa syudad kaya kakakanon kan mga tawo digdi an saindang kapwa sagkod an sadiri nindang mga aki.”

Mga Panambitan 4:10

Sa makuring kasakitan na nag-abot sa sakong banwaan, linuto kan mga mamomoton na ina an saindang kaakian tanganing magin kakanon.

Mikas 6:14

Makakan ka alagad dai mababasog—sa katotoohan padagos kang magugutom. Magsasaray ka, alagad dai mo iyan mapapakinabangan; an anoman na saimong sarayon raraoton ko sa gera.

Zacarias 11:9

Dangan sinabihan ko an mga karnero, “Habo na akong magin pastor nindo. Pabayae nindong magadan an magagadanon. Pabayae nindong maronot an maroronoton. An mga matada pabayae nindong maggaradanan.”

Markos 3:24

Kun an sarong kahadean nababanga, an kahadean na iyan dai magdadanay.