Isaias 9:2 - Marahay na Bareta Biblia

² Nakahiling nin dakulang liwanag an mga tawong naglakaw sa kadikloman. An mga nag-erok sa daga nin mahibog na kadikloman, naliliwanagan na ngunyan.

Isaias 9:2 ပူးပေါင်းရင်းမြစ်များ

An Libro ni Job 10:21

bago ako magduman saen mayo na nin makakabalik, sa daga na mamondo saka madiklom,

Salmo 107:10

An nagkapira sainda nabubuhay sa kamondoan asin sa kadikloman, mga bilanggo na nagtitios asin nakakadenahan,

Salmo 107:14

Hinawas niya sinda sa kamondoan asin kadikloman, saka pinaratod an saindang mga kadena.

Salmo 23:4

Maski ako maglakaw sa dalan nin kadikloman, dai ako matatakot, Kagurangnan, huli ta ika sakong kaibahan. An saimong badas asin sugkod iyo sako nag-aataman.

Salmo 4:8

Sa katoninongan ako mahigda dangan matorog; huli ta ika sana, O Kagurangnan, an minapaerok sako sa katiwasayan.

Isaias 50:10

Kamo gabos na may pagkatakot sa Kagurangnan asin nagkukuyog sa tataramon kan saiyang sorogoon, madiklom man an dalan na saindong linalakawan, alagad magsarig kamo sa Kagurangnan, maglaom kamo sa Dios.

Isaias 60:19

“An aldaw bako na an magigin ilaw mo sa maghapon o an bulan an magliliwanag saimo sa bilog na banggi. Ako, an Kagurangnan, an saimong magigin liwanag sagkod lamang; an liwanag nin sakong kamurawayan iyo an magigin ilaw mo.

Isaias 9:1

Mayo nin paagi para sainda tanganing makadulag sa panahon na ini nin kasakitan. An daga kan mga tribu ni Zabulon asin ni Neftali, na kaidto daga nin kasosopgan, iyo an magdadara nin kaomawan sa rehiyon na ini, magpoon sa Dagat nin Mediteraneo pasiring sa sirangan, sa daga sa ibong kan Salog nin Jordan, asin maski sa Galilea mismo, na pinag-eerokan kan mga dayuhan.

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Mateo 4:16

An mga nag-eerok sa kadikloman makakahiling nin dakulang ilaw! An liwanag masirang sa mga nag-eerok sa madiklom na daga nin kagadanan!”

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Juan 12:46

Nagdigdi ako bilang ilaw sa kinaban, tanganing an mga minatubod sako dai magdanay sa kadikloman.

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

Efeso 5:8

Kaidto nasa kadikloman kamo, alagad poon na magin sadiri kamo nin Kagurangnan, nasa liwanag na kamo. Kaya maglakaw kamo siring sa mga aki nin liwanag,

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

Hukom 5:30

“Naghahanap pa sinda nin mabibihag asin mababanga— saro o duwang babae para sa lambang soldados, mamahalon na tela para ki Sisera, mga ginansilyong gubing para sa sakong liog.”