Isaias 9:18 - Marahay na Bareta Biblia

¹⁸ An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Isaias 9:18 ပူးပေါင်းရင်းမြစ်များ

1 Mga Hade 16:21

Nabanga an mga tawo sa Israel: an iba sainda boot na gibohon na hade si Tibni na aking lalaki ni Ginat, mantang an iba oyon ki Omri.

Salmo 37:20

Alagad an mga maraot magagadan; mapapara arog sa mga burak sa kaawagan an mga kaiwal nin Kagurangnan; siring sa aso, mawawara sinda.

Salmo 68:2

Siring na an aso ipinapalid, alawon mo logod sinda; siring na an taro natutunaw sa kalayo, an tampalasan mapara logod sa atubang nin Dios!

Salmo 83:14

Siring sa kalayo na nakakatunaw sa kadlagan; siring sa kalayo na nakakaraot nin kabukidan;

Isaias 1:31

Siring na an dagami nasusulo kan manok-manok nin kalayo, mapapahamak man an mga mapangyaring mga tawo huli kan saindang maraot na gibo asin mayo nin makakaontok kan saindong pagkaraot.

Isaias 1:7

Rinaot an saimong daga, sinurulo an saimong mga syudad; sa atubang mo sinamsam nin mga dayuhan an saimong daga; rinaot ninda an gabos.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 27:4

Dai na ako naaanggot sa ubasan. Kun igwa pa sana nin mga tonok saka mga binit na sakong lalabanan, sinulo ko na an mga iyan.

Isaias 3:5

Dangan aapihon kan lambang saro an saiyang kapwa, an lambang tawo mang-aapi kan saiyang kataed. An mga hoben magigin matumang sa saindang mga kamagurangan, asin an mga mayong halagang tawo sa mga ginagalangan.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 33:12

Maroronot kamo siring sa mga tinutong na gapo tanganing gibohon na apog; makakaarog kamo sa mga tonok na sinulo sagkod na nagin abo.

Isaias 33:14

Nagtatakig sa katakotan an mga makasalan sa Sion. Nagsasabi sinda, “An paghukom nin Dios nakakaagid sa sarong kalayo na naglalaad sagkod pa man. Mabubuhay daw an saro sato sa siring na kalayo?”

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 50:11

Kamo gabos na nagpaplano nin karatan para sa iba mapapahamak kan saindo man sanang plano. An Kagurangnan mismo an magibo kaiyan; magtitios kamo nin makuring kasakitan.

Jeremias 9:3

Danay sindang andam sa pagtaram nin kaputikan; embes na katotoohan, pandadaya an nagpapalakaw kan daga. Nagtataram an Kagurangnan, “Sunod-sunod na karatan an ginigibo kan sakong banwaan asin dai ninda ako minimidbid bilang saindang Dios.”

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Joel 2:20

Hahaleon ko an hukbo nin mga doron na nag-abot hale sa amihan dangan aalawon ko an iba sa sainda pasiring sa desyerto. An mga nangengenot sainda mapapaduman sa Gadan na Dagat, an mga nasa hurihan mapapaduman sa Mediteraneo. Duman sinda magagadan saka mabata. Gagadanon ko sinda huli kan gabos nindang ginibo sa saindo.

Joel 2:3

Arog sa kalayo, kinakakan ninda an mga tinanom. An daga sa atubang ninda nakakaagid sa Tatamnan nin Eden, alagad saindang binabayaan na garo mayong tanom na kalangtadan. Mayo nin nakakadulag sa sainda.

Amos 7:4

Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling kong nag-aandam siya sa pagpadusa kan saiyang banwaan sa paagi nin kalayo. An dakulang dagat sa irarom kan daga nagmara huli sa init kan kalayo asin nasulo na an daga.

Obadias 1:18

An banwaan ni Jacob saka ni Jose magigin arog sa kalayo; tutunawon ninda an banwaan ni Esau, siring kan pagsulo sa dagami. Mayong matatada sa mga kapagarakian ni Esau. Ako, an Kagurangnan, an nagtaram.

Nahum 1:10

Arog sa nagkagurumos na mga tonok asin alang na dagami matututong kamo!

Nahum 1:6

Siisay an mabubuhay kun siya naaanggot? Siisay an makakatagal sa labi-labi niyang kaanggotan? Saiyang inuula an nagkakalayo niyang kaanggotan; naroronot an mga gapo sa saiyang atubang.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Deuteronomio 32:22

Siring sa kalayo, malaad an kaanggotan ko, na matutong kan gabos na yaon sa daga, sagkod sa kairaroman kan Sheol; matutong minsan kan mga gamot nin kabukidan.

Hebreyo 6:8

Alagad kun an minatalubo diyan mga tonok saka mga doot, mayong pakinabang an dagang iyan; pwedeng maldisyonon iyan nin Dios; asin sa kataposan, susuloon.

Kapahayagan 14:11

An aso kan kalayong magpapasakit sainda, mag-iitaas sagkod pa man. An mga nagsamba kan hayop asin kan saiyang ladawan, saka nag-ako kan marka kan ngaran kaiyan, mayo nin kapahingaloan aldaw-banggi.”