Isaias 9:14 - Marahay na Bareta Biblia

¹⁴ Kaya papadusahan nin Kagurangnan an mga lider saka an banwaan nin Israel sa saro sanang aldaw; pupuhoon niya sinda, payo sagkod ikog.

Isaias 9:14 ပူးပေါင်းရင်းမြစ်များ

Isaias 10:17

An Dios, an ilaw nin Israel, magigin sarong kalayo. An banal na Dios nin Israel magigin sarong laad na mahalon kan gabos, maski kan mga binit saka mga tonok sa saro sanang aldaw.

Isaias 19:15

Mayo nin siisay man sa Egipto, mayaman man o dukha, bantog man o dai midbid, na makakatabang saiya.

Isaias 30:13

Nagkasala kamo. Nakakaagid kamo sa sarong halangkaw na kudal na igwa nin gatak magpoon sa itaas sagkod sa ibaba; madali na kamong magaba.

Jeremias 6:21

Kaya bubugtakan ko nin mga singkogan an banwaan na ini tanganing magkadarapa sinda. Magagadan an mga ama saka mga aking lalaki; siring man an mga magkatood saka mga magkanatad.”

Jeremias 8:12

Banwaan ko, nasopog daw kamo kan gibohon nindo an makauuyam na mga bagay na ini? Dai nanggad kamo nasopog; dai na ngani kamo namumula sa pagkasopog! Kaya mabagsak kamo arog kan iba; iyan an magigin kataposan nindo kun padusahan ko na kamo. Ako, an Kagurangnan, an nagtaram.

Mga Panambitan 4:16

Pinabayaan sinda nin Kagurangnan; iwinarak niya mismo sinda. Dai niya ginalangan an mga padi asin mga lider.

Oseas 1:4

sinabihan nin Kagurangnan si Oseas, “Ngaranan mo siyang ‘Jezreel,’ huli ta dai na mahahaloy, papadusahan ko an hade nin Israel huli kan mga panggagadan na ginibo kan ginikanan niyang si Jehu sa Jezreel. Tataposon ko na an paghahade kan pamilya ni Jehu.

Oseas 1:6

Nagbados giraray si Gomer dangan nangaki nin sarong babae. Sinabihan nin Kagurangnan si Oseas, “Ngaranan mo siyang ‘Dai Namotan,’ huli ta dai na ako mamomoot sa mga Israelita asin dai ko na sinda papatawadon.

Oseas 1:9

Sinabihan nin Kagurangnan si Oseas, “Ngaranan mo siyang ‘Bako Kong Banwaan,’ huli ta an mga taga Israel bako ko nang banwaan, asin bako na ako an saindang Dios.”

Oseas 10:15

Siring kaiyan an mangyayari saindo, mga taga Betel, huli kan dakulang karatan na saindong ginibo. Pagpoon pa sana kan ralaban, magagadan an hade nin Israel.”

Oseas 13:3

Kaya magkakawarara an mga tawong siring kaini, arog sa alopoop sa pagkaaga, arog sa ambon na nawawara amay pa an aldaw. Makakaarog sinda sa dagami na ipinapalid kan doros, arog sa asong hale sa sarong pugon.

Oseas 4:5

Aldaw-banggi, mayo kamong gibong matanos; an mga propeta siring man saindo. Raraoton ko an Israel, an saindong ina.

Oseas 8:8

Nakaarog na an Israel sa ibang nasyon asin mayo na siya nin halaga siring sa sarong pasang koron.

Amos 3:12

Nagtataram an Kagurangnan, “Siring na duwang bitis o sarong talinga na sana an nakukua kan pastor sa sarong karnero na tinabag nin sarong leon, dikit man na taga Samaria na naghihigda sa magagayon na higdaan an matatada.

Amos 6:11

Kun itao na nin Kagurangnan an pagboot, magkakaroronot an mga harong, dakula man o sadit.

Amos 7:17

Amazias, sinasabihan ka nin Kagurangnan, ‘An saimong agom magigin sarong maraot na babae sa mga tinampo asin magagadan sa gera an saimong kaakian. Pagbabarangaon kan iba an saimong daga asin magagadan ka sa sarong paganong daga. Dangan itatapok an banwaan nin Israel harayo sa saindang daga.’”

Kapahayagan 18:10

Matindog sinda sa harayo, huli ta takot sindang madamay sa saiyang kasakitan, dangan masabi sinda, “Makangingirhat! Ining dakula saka mapangyaring syudad nin Babilonia! Sa laog nin saro sanang oras nagdatong an padusa mo!”

Kapahayagan 18:17

Sa laog nin saro sanang oras nawara saiya an gabos na kayamanan na iyan!” An gabos na kapitan nin mga barko, mga pasahero, mga tripulante dangan an gabos na naghahanap-buhay sa dagat nagtindog sa harayo;

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”